Surya Sahasra Nama Stotram: 1000 Divine Names of Surya Bhagavan for Health, Success, and Energy in Malayalam

അസ്യ ശ്രീ സൂര്യ സഹസ്രനാമ സ്തോത്രസ്യ വേദവ്യാസ ഋഷിഃ അനുഷ്ടുപ്ഛന്ദഃ സവിതാ ദേവതാ സർവാഭീഷ്ട സിദ്ധ്യർഥേ ജപേ വിനിയോഗഃ . ധ്യാനം . ധ്യേയഃ സദാ സവിതൃമണ്ഡലമധ്യവർതീ നാരായണഃ സരസിജാസനസന്നിവിഷ്ടഃ . കേയൂരവാൻ മകരകുണ്ഡലവാൻ കിരീടീ ഹാരീ ഹിരണ്മയവപുർധൃതശംഖചക്രഃ .. സ്തോത്രം . ഓം വിശ്വവിദ്വിശ്വജിത്കർതാ വിശ്വാത്മാ വിശ്വതോമുഖഃ . വിശ്വേശ്വരോ വിശ്വയോനിർനിയതാത്മാ ജിതേന്ദ്രിയഃ ॥ 1 ॥ കാലാശ്രയഃ കാലകർതാ കാലഹാ കാലനാശനഃ . മഹായോഗീ മഹാസിദ്ധിർമഹാത്മാ സുമഹാബലഃ ॥ 2 ॥ പ്രഭുർവിഭുർഭൂതനാഥോ ഭൂതാത്മാ ഭുവനേശ്വരഃ . ഭൂതഭവ്യോ ഭാവിതാത്മാ ഭൂതാന്തഃകരണം ശിവഃ ॥ 3 ॥ ശരണ്യഃ കമലാനന്ദോ നന്ദനോ നന്ദവർധനഃ . വരേണ്യോ വരദോ യോഗീ സുസംയുക്തഃ പ്രകാശകഃ ॥ 4 ॥ പ്രാപ്തയാനഃ പരപ്രാണഃ പൂതാത്മാ പ്രിയതഃ പ്രിയഃ . [പ്രയതഃ] നയഃ സഹസ്രപാത് സാധുർദിവ്യകുണ്ഡലമണ്ഡിതഃ ॥ 5 ॥ അവ്യംഗധാരീ ധീരാത്മാ സവിതാ വായുവാഹനഃ . സമാഹിതമതിർദാതാ വിധാതാ കൃതമംഗലഃ ॥ 6 ॥ കപർദീ കല്പപാദ്രുദ്രഃ സുമനാ ധർമവത്സലഃ . സമായുക്തോ വിമുക്താത്മാ കൃതാത്മാ കൃതിനാം വരഃ ॥ 7 ॥ അവിചിന്ത്യവപുഃ ശ്രേഷ്ഠോ മഹായോഗീ മഹേശ്വരഃ . കാന്തഃ കാമാരിരാദിത്യോ നിയതാത്മാ നിരാകുലഃ ॥ 8 ॥ കാമഃ കാരുണികഃ കർതാ കമലാകരബോധനഃ . സപ്തസപ്തിരചിന്ത്യാത്മാ മഹാകാരുണികോത്തമഃ ॥ 9 ॥ സഞ്ജീവനോ ജീവനാഥോ ജയോ ജീവോ ജഗത്പതിഃ . അയുക്തോ വിശ്വനിലയഃ സംവിഭാഗീ വൃഷധ്വജഃ ॥ 10 ॥ വൃഷാകപിഃ കല്പകർതാ കല്പാന്തകരണോ രവിഃ . ഏകചക്രരഥോ മൗനീ സുരഥോ രഥിനാം വരഃ ॥ 11 ॥ സക്രോധനോ രശ്മിമാലീ തേജോരാശിർവിഭാവസുഃ . ദിവ്യകൃദ്ദിനകൃദ്ദേവോ ദേവദേവോ ദിവസ്പതിഃ ॥ 12 ॥ ദീനനാഥോ ഹരോ ഹോതാ ദിവ്യബാഹുർദിവാകരഃ . യജ്ഞോ യജ്ഞപതിഃ പൂഷാ സ്വർണരേതാഃ പരാവരഃ ॥ 13 ॥ പരാപരജ്ഞസ്തരണിരംശുമാലീ മനോഹരഃ . പ്രാജ്ഞഃ പ്രാജ്ഞപതിഃ സൂര്യഃ സവിതാ വിഷ്ണുരംശുമാൻ ॥ 14 ॥ സദാഗതിർഗന്ധവഹോ വിഹിതോ വിധിരാശുഗഃ . പതംഗഃ പതഗഃ സ്ഥാണുർവിഹംഗോ വിഹഗോ വരഃ ॥ 15 ॥ ഹര്യശ്വോ ഹരിതാശ്വശ്ച ഹരിദശ്വോ ജഗത്പ്രിയഃ . ത്ര്യംബകഃ സർവദമനോ ഭാവിതാത്മാ ഭിഷഗ്വരഃ ॥ 16 ॥ ആലോകകൃല്ലോകനാഥോ ലോകാലോകനമസ്കൃതഃ . കാലഃ കല്പാന്തകോ വഹ്നിസ്തപനഃ സമ്പ്രതാപനഃ ॥ 17 ॥ വിലോചനോ വിരൂപാക്ഷഃ സഹസ്രാക്ഷഃ പുരന്ദരഃ . സഹസ്രരശ്മിർമിഹിരോ വിവിധാംബരഭൂഷണഃ ॥ 18 ॥ ഖഗഃ പ്രതർദനോ ധന്യോ ഹയഗോ വാഗ്വിശാരദഃ . ശ്രീമാനശിശിരോ വാഗ്മീ ശ്രീപതിഃ ശ്രീനികേതനഃ ॥ 19 ॥ ശ്രീകണ്ഠഃ ശ്രീധരഃ ശ്രീമാൻ ശ്രീനിവാസോ വസുപ്രദഃ . കാമചാരീ മഹാമായോ മഹോഗ്രോഽവിദിതാമയഃ ॥ 20 ॥ തീർഥക്രിയാവാൻ സുനയോ വിഭക്തോ ഭക്തവത്സലഃ . കീർതിഃ കീർതികരോ നിത്യഃ കുണ്ഡലീ കവചീ രഥീ ॥ 21 ॥ ഹിരണ്യരേതാഃ സപ്താശ്വഃ പ്രയതാത്മാ പരന്തപഃ . ബുദ്ധിമാനമരശ്രേഷ്ഠോ രോചിഷ്ണുഃ പാകശാസനഃ ॥ 22 ॥ സമുദ്രോ ധനദോ ധാതാ മാന്ധാതാ കശ്മലാപഹഃ . തമോഘ്നോ ധ്വാന്തഹാ വഹ്നിർഹോതാഽന്തഃകരണോ ഗുഹഃ ॥ 23 ॥ പശുമാൻ പ്രയതാനന്ദോ ഭൂതേശഃ ശ്രീമതാം വരഃ . നിത്യോഽദിതോ നിത്യരഥഃ സുരേശഃ സുരപൂജിതഃ ॥ 24 ॥ അജിതോ വിജിതോ ജേതാ ജംഗമസ്ഥാവരാത്മകഃ . ജീവാനന്ദോ നിത്യഗാമീ വിജേതാ വിജയപ്രദഃ ॥ 25 ॥ പർജന്യോഽഗ്നിഃ സ്ഥിതിഃ സ്ഥേയഃ സ്ഥവിരോഽഥ നിരഞ്ജനഃ . പ്രദ്യോതനോ രഥാരൂഢഃ സർവലോകപ്രകാശകഃ ॥ 26 ॥ ധ്രുവോ മേഷീ മഹാവീര്യോ ഹംസഃ സംസാരതാരകഃ . സൃഷ്ടികർതാ ക്രിയാഹേതുർമാർതണ്ഡോ മരുതാം പതിഃ ॥ 27 ॥ മരുത്വാൻ ദഹനസ്ത്വഷ്ടാ ഭഗോ ഭർഗോഽര്യമാ കപിഃ . വരുണേശോ ജഗന്നാഥഃ കൃതകൃത്യഃ സുലോചനഃ ॥ 28 ॥ വിവസ്വാൻ ഭാനുമാൻ കാര്യഃ കാരണസ്തേജസാം നിധിഃ . അസംഗഗാമീ തിഗ്മാംശുർധർമാംശുർദീപ്തദീധിതിഃ ॥ 29 ॥ സഹസ്രദീധിതിർബ്രധ്നഃ സഹസ്രാംശുർദിവാകരഃ . ഗഭസ്തിമാൻ ദീധിതിമാൻ സ്രഗ്വീ മണികുലദ്യുതിഃ ॥ 30 ॥ ഭാസ്കരഃ സുരകാര്യജ്ഞഃ സർവജ്ഞസ്തീക്ഷ്ണദീധിതിഃ . സുരജ്യേഷ്ഠഃ സുരപതിർബഹുജ്ഞോ വചസാം പതിഃ ॥ 31 ॥ തേജോനിധിർബൃഹത്തേജാ ബൃഹത്കീർതിർബൃഹസ്പതിഃ . അഹിമാനൂർജിതോ ധീമാനാമുക്തഃ കീർതിവർധനഃ ॥ 32 ॥ മഹാവൈദ്യോ ഗണപതിർധനേശോ ഗണനായകഃ . തീവ്രപ്രതാപനസ്താപീ താപനോ വിശ്വതാപനഃ ॥ 33 ॥ കാർതസ്വരോ ഹൃഷീകേശഃ പദ്മാനന്ദോഽതിനന്ദിതഃ . പദ്മനാഭോഽമൃതാഹാരഃ സ്ഥിതിമാൻ കേതുമാൻ നഭഃ ॥ 34 ॥ അനാദ്യന്തോഽച്യുതോ വിശ്വോ വിശ്വാമിത്രോ ഘൃണിർവിരാട് . ആമുക്തകവചോ വാഗ്മീ കഞ്ചുകീ വിശ്വഭാവനഃ ॥ 35 ॥ അനിമിത്തഗതിഃ ശ്രേഷ്ഠഃ ശരണ്യഃ സർവതോമുഖഃ . വിഗാഹീ വേണുരസഹഃ സമായുക്തഃ സമാക്രതുഃ ॥ 36 ॥ ധർമകേതുർധർമരതിഃ സംഹർതാ സംയമോ യമഃ . പ്രണതാർതിഹരോ വായുഃ സിദ്ധകാര്യോ ജനേശ്വരഃ ॥ 37 ॥ നഭോ വിഗാഹനഃ സത്യഃ സവിതാത്മാ മനോഹരഃ . ഹാരീ ഹരിർഹരോ വായുരൃതുഃ കാലാനലദ്യുതിഃ ॥ 38 ॥ സുഖസേവ്യോ മഹാതേജാ ജഗതാമേകകാരണം . മഹേന്ദ്രോ വിഷ്ടുതഃ സ്തോത്രം സ്തുതിഹേതുഃ പ്രഭാകരഃ ॥ 39 ॥ സഹസ്രകര ആയുഷ്മാൻ അരോഷഃ സുഖദഃ സുഖീ . വ്യാധിഹാ സുഖദഃ സൗഖ്യം കല്യാണഃ കലതാം വരഃ ॥ 40 ॥ ആരോഗ്യകാരണം സിദ്ധിരൃദ്ധിർവൃദ്ധിർബൃഹസ്പതിഃ . ഹിരണ്യരേതാ ആരോഗ്യം വിദ്വാൻ ബ്രധ്നോ ബുധോ മഹാൻ ॥ 41 ॥ പ്രാണവാൻ ധൃതിമാൻ ഘർമോ ഘർമകർതാ രുചിപ്രദഃ . സർവപ്രിയഃ സർവസഹഃ സർവശത്രുവിനാശനഃ ॥ 42 ॥ പ്രാംശുർവിദ്യോതനോ ദ്യോതഃ സഹസ്രകിരണഃ കൃതീ . കേയൂരീ ഭൂഷണോദ്ഭാസീ ഭാസിതോ ഭാസനോഽനലഃ ॥ 43 ॥ ശരണ്യാർതിഹരോ ഹോതാ ഖദ്യോതഃ ഖഗസത്തമഃ . സർവദ്യോതോ ഭവദ്യോതഃ സർവദ്യുതികരോ മതഃ ॥ 44 ॥ കല്യാണഃ കല്യാണകരഃ കല്യഃ കല്യകരഃ കവിഃ . കല്യാണകൃത് കല്യവപുഃ സർവകല്യാണഭാജനം ॥ 45 ॥ ശാന്തിപ്രിയഃ പ്രസന്നാത്മാ പ്രശാന്തഃ പ്രശമപ്രിയഃ . ഉദാരകർമാ സുനയഃ സുവർചാ വർചസോജ്ജ്വലഃ ॥ 46 ॥ വർചസ്വീ വർചസാമീശസ്ത്രൈലോക്യേശോ വശാനുഗഃ . തേജസ്വീ സുയശാ വർഷ്മീ വർണാധ്യക്ഷോ ബലിപ്രിയഃ ॥ 47 ॥ യശസ്വീ തേജോനിലയസ്തേജസ്വീ പ്രകൃതിസ്ഥിതഃ . ആകാശഗഃ ശീഘ്രഗതിരാശുഗോ ഗതിമാൻ ഖഗഃ ॥ 48 ॥ ഗോപതിർഗ്രഹദേവേശോ ഗോമാനേകഃ പ്രഭഞ്ജനഃ . ജനിതാ പ്രജനോ ജീവോ ദീപഃ സർവപ്രകാശകഃ ॥ 49 ॥ സർവസാക്ഷീ യോഗനിത്യോ നഭസ്വാനസുരാന്തകഃ . രക്ഷോഘ്നോ വിഘ്നശമനഃ കിരീടീ സുമനഃപ്രിയഃ ॥ 50 ॥ മരീചിമാലീ സുമതിഃ കൃതാഭിഖ്യവിശേഷകഃ . ശിഷ്ടാചാരഃ ശുഭാചാരഃ സ്വചാരാചാരതത്പരഃ ॥ 51 ॥ മന്ദാരോ മാഠരോ വേണുഃ ക്ഷുധാപഃ ക്ഷ്മാപതിർഗുരുഃ . സുവിശിഷ്ടോ വിശിഷ്ടാത്മാ വിധേയോ ജ്ഞാനശോഭനഃ ॥ 52 ॥ മഹാശ്വേതഃ പ്രിയോ ജ്ഞേയഃ സാമഗോ മോക്ഷദായകഃ . സർവവേദപ്രഗീതാത്മാ സർവവേദലയോ മഹാൻ ॥ 53 ॥ വേദമൂർതിശ്ചതുർവേദോ വേദഭൃദ്വേദപാരഗഃ . ക്രിയാവാനസിതോ ജിഷ്ണുർവരീയാംശുർവരപ്രദഃ ॥ 54 ॥ വ്രതചാരീ വ്രതധരോ ലോകബന്ധുരലങ്കൃതഃ . അലങ്കാരാക്ഷരോ വേദ്യോ വിദ്യാവാൻ വിദിതാശയഃ ॥ 55 ॥ ആകാരോ ഭൂഷണോ ഭൂഷ്യോ ഭൂഷ്ണുർഭുവനപൂജിതഃ . ചക്രപാണിർധ്വജധരഃ സുരേശോ ലോകവത്സലഃ ॥ 56 ॥ വാഗ്മിപതിർമഹാബാഹുഃ പ്രകൃതിർവികൃതിർഗുണഃ . അന്ധകാരാപഹഃ ശ്രേഷ്ഠോ യുഗാവർതോ യുഗാദികൃത് ॥ 57 ॥ അപ്രമേയഃ സദായോഗീ നിരഹങ്കാര ഈശ്വരഃ . ശുഭപ്രദഃ ശുഭഃ ശാസ്താ ശുഭകർമാ ശുഭപ്രദഃ ॥ 58 ॥ സത്യവാൻ ശ്രുതിമാനുച്ചൈർനകാരോ വൃദ്ധിദോഽനലഃ . ബലഭൃദ്ബലദോ ബന്ധുർമതിമാൻ ബലിനാം വരഃ ॥ 59 ॥ അനംഗോ നാഗരാജേന്ദ്രഃ പദ്മയോനിർഗണേശ്വരഃ . സംവത്സര ഋതുർനേതാ കാലചക്രപ്രവർതകഃ ॥ 60 ॥ പദ്മേക്ഷണഃ പദ്മയോനിഃ പ്രഭാവാനമരഃ പ്രഭുഃ . സുമൂർതിഃ സുമതിഃ സോമോ ഗോവിന്ദോ ജഗദാദിജഃ ॥ 61 ॥ പീതവാസാഃ കൃഷ്ണവാസാ ദിഗ്വാസാസ്ത്വിന്ദ്രിയാതിഗഃ . അതീന്ദ്രിയോഽനേകരൂപഃ സ്കന്ദഃ പരപുരഞ്ജയഃ ॥ 62 ॥ ശക്തിമാൻ ജലധൃഗ്ഭാസ്വാൻ മോക്ഷഹേതുരയോനിജഃ . സർവദർശീ ജിതാദർശോ ദുഃസ്വപ്നാശുഭനാശനഃ ॥ 63 ॥ മാംഗല്യകർതാ തരണിർവേഗവാൻ കശ്മലാപഹഃ . സ്പഷ്ടാക്ഷരോ മഹാമന്ത്രോ വിശാഖോ യജനപ്രിയഃ ॥ 64 ॥ വിശ്വകർമാ മഹാശക്തിർദ്യുതിരീശോ വിഹംഗമഃ . വിചക്ഷണോ ദക്ഷ ഇന്ദ്രഃ പ്രത്യൂഷഃ പ്രിയദർശനഃ ॥ 65 ॥ അഖിന്നോ വേദനിലയോ വേദവിദ്വിദിതാശയഃ . പ്രഭാകരോ ജിതരിപുഃ സുജനോഽരുണസാരഥിഃ ॥ 66 ॥ കുനാശീ സുരതഃ സ്കന്ദോ മഹിതോഽഭിമതോ ഗുരുഃ . ഗ്രഹരാജോ ഗ്രഹപതിർഗ്രഹനക്ഷത്രമണ്ഡലഃ ॥ 67 ॥ ഭാസ്കരഃ സതതാനന്ദോ നന്ദനോ നരവാഹനഃ . മംഗലോഽഥ മംഗലവാൻ മാംഗല്യോ മംഗലാവഹഃ ॥ 68 ॥ മംഗല്യചാരുചരിതഃ ശീർണഃ സർവവ്രതോ വ്രതീ . ചതുർമുഖഃ പദ്മമാലീ പൂതാത്മാ പ്രണതാർതിഹാ ॥ 69 ॥ അകിഞ്ചനഃ സതാമീശോ നിർഗുണോ ഗുണവാഞ്ഛുചിഃ . സമ്പൂർണഃ പുണ്ഡരീകാക്ഷോ വിധേയോ യോഗതത്പരഃ ॥ 70 ॥ സഹസ്രാംശുഃ ക്രതുമതിഃ സർവജ്ഞഃ സുമതിഃ സുവാക് . സുവാഹനോ മാല്യദാമാ കൃതാഹാരോ ഹരിപ്രിയഃ ॥ 71 ॥ ബ്രഹ്മാ പ്രചേതാഃ പ്രഥിതഃ പ്രയതാത്മാ സ്ഥിരാത്മകഃ . ശതവിന്ദുഃ ശതമുഖോ ഗരീയാനനലപ്രഭഃ ॥ 72 ॥ ധീരോ മഹത്തരോ വിപ്രഃ പുരാണപുരുഷോത്തമഃ . വിദ്യാരാജാധിരാജോ ഹി വിദ്യാവാൻ ഭൂതിദഃ സ്ഥിതഃ ॥ 73 ॥ അനിർദേശ്യവപുഃ ശ്രീമാൻ വിപാപ്മാ ബഹുമംഗലഃ . സ്വഃസ്ഥിതഃ സുരഥഃ സ്വർണോ മോക്ഷദോ ബലികേതനഃ ॥ 74 ॥ നിർദ്വന്ദ്വോ ദ്വന്ദ്വഹാ സ്വർഗഃ സർവഗഃ സമ്പ്രകാശകഃ . ദയാലുഃ സൂക്ഷ്മധീഃ ക്ഷാന്തിഃ ക്ഷേമാക്ഷേമസ്ഥിതിപ്രിയഃ ॥ 75 ॥ ഭൂധരോ ഭൂപതിർവക്താ പവിത്രാത്മാ ത്രിലോചനഃ . മഹാവരാഹഃ പ്രിയകൃദ്ദാതാ ഭോക്താഽഭയപ്രദഃ ॥ 76 ॥ ചക്രവർതീ ധൃതികരഃ സമ്പൂർണോഽഥ മഹേശ്വരഃ . ചതുർവേദധരോഽചിന്ത്യോ വിനിന്ദ്യോ വിവിധാശനഃ ॥ 77 ॥ വിചിത്രരഥ ഏകാകീ സപ്തസപ്തിഃ പരാത്പരഃ . സർവോദധിസ്ഥിതികരഃ സ്ഥിതിസ്ഥേയഃ സ്ഥിതിപ്രിയഃ ॥ 78 ॥ നിഷ്കലഃ പുഷ്കലോ വിഭുർവസുമാൻ വാസവപ്രിയഃ . പശുമാൻ വാസവസ്വാമീ വസുധാമാ വസുപ്രദഃ ॥ 79 ॥ ബലവാൻ ജ്ഞാനവാംസ്തത്ത്വമോങ്കാരസ്ത്രിഷുസംസ്ഥിതഃ . സങ്കല്പയോനിർദിനകൃദ്ഭഗവാൻ കാരണാപഹഃ ॥ 80 ॥ നീലകണ്ഠോ ധനാധ്യക്ഷശ്ചതുർവേദപ്രിയംവദഃ . വഷട്കാരോദ്ഗാതാ ഹോതാ സ്വാഹാകാരോ ഹുതാഹുതിഃ ॥ 81 ॥ ജനാർദനോ ജനാനന്ദോ നരോ നാരായണോഽംബുദഃ . സന്ദേഹനാശനോ വായുർധന്വീ സുരനമസ്കൃതഃ ॥ 82 ॥ വിഗ്രഹീ വിമലോ വിന്ദുർവിശോകോ വിമലദ്യുതിഃ . ദ്യുതിമാൻ ദ്യോതനോ വിദ്യുദ്വിദ്യാവാൻ വിദിതോ ബലീ ॥ 83 ॥ ഘർമദോ ഹിമദോ ഹാസഃ കൃഷ്ണവർത്മാ സുതാജിതഃ . സാവിത്രീഭാവിതോ രാജാ വിശ്വാമിത്രോ ഘൃണിർവിരാട് ॥ 84 ॥ സപ്താർചിഃ സപ്തതുരഗഃ സപ്തലോകനമസ്കൃതഃ . സമ്പൂർണോഽഥ ജഗന്നാഥഃ സുമനാഃ ശോഭനപ്രിയഃ ॥ 85 ॥ സർവാത്മാ സർവകൃത് സൃഷ്ടിഃ സപ്തിമാൻ സപ്തമീപ്രിയഃ . സുമേധാ മേധികോ മേധ്യോ മേധാവീ മധുസൂദനഃ ॥ 86 ॥ അംഗിരഃപതിഃ കാലജ്ഞോ ധൂമകേതുഃ സുകേതനഃ . സുഖീ സുഖപ്രദഃ സൗഖ്യഃ കാന്തിഃ കാന്തിപ്രിയോ മുനിഃ ॥ 87 ॥ സന്താപനഃ സന്തപന ആതപസ്തപസാം പതിഃ . ഉമാപതിഃ സഹസ്രാംശുഃ പ്രിയകാരീ പ്രിയങ്കരഃ ॥ 88 ॥ പ്രീതിർവിമന്യുരംഭോത്ഥഃ ഖഞ്ജനോ ജഗതാം പതിഃ . ജഗത്പിതാ പ്രീതമനാഃ സർവഃ ഖർവോ ഗുഹോഽചലഃ ॥ 89 ॥ സർവഗോ ജഗദാനന്ദോ ജഗന്നേതാ സുരാരിഹാ . ശ്രേയഃ ശ്രേയസ്കരോ ജ്യായാൻ മഹാനുത്തമ ഉദ്ഭവഃ ॥ 90 ॥ ഉത്തമോ മേരുമേയോഽഥ ധരണോ ധരണീധരഃ . ധരാധ്യക്ഷോ ധർമരാജോ ധർമാധർമപ്രവർതകഃ ॥ 91 ॥ രഥാധ്യക്ഷോ രഥഗതിസ്തരുണസ്തനിതോഽനലഃ . ഉത്തരോഽനുത്തരസ്താപീ അവാക്പതിരപാം പതിഃ ॥ 92 ॥ പുണ്യസങ്കീർതനഃ പുണ്യോ ഹേതുർലോകത്രയാശ്രയഃ . സ്വർഭാനുർവിഗതാനന്ദോ വിശിഷ്ടോത്കൃഷ്ടകർമകൃത് ॥ 93 ॥ വ്യാധിപ്രണാശനഃ ക്ഷേമഃ ശൂരഃ സർവജിതാം വരഃ . ഏകരഥോ രഥാധീശഃ പിതാ ശനൈശ്ചരസ്യ ഹി ॥ 94 ॥ വൈവസ്വതഗുരുർമൃത്യുർധർമനിത്യോ മഹാവ്രതഃ . പ്രലംബഹാരസഞ്ചാരീ പ്രദ്യോതോ ദ്യോതിതാനലഃ ॥ 95 ॥ സന്താപഹൃത് പരോ മന്ത്രോ മന്ത്രമൂർതിർമഹാബലഃ . ശ്രേഷ്ഠാത്മാ സുപ്രിയഃ ശംഭുർമരുതാമീശ്വരേശ്വരഃ ॥ 96 ॥ സംസാരഗതിവിച്ചേത്താ സംസാരാർണവതാരകഃ . സപ്തജിഹ്വഃ സഹസ്രാർചീ രത്നഗർഭോഽപരാജിതഃ ॥ 97 ॥ ധർമകേതുരമേയാത്മാ ധർമാധർമവരപ്രദഃ . ലോകസാക്ഷീ ലോകഗുരുർലോകേശശ്ചണ്ഡവാഹനഃ ॥ 98 ॥ ധർമയൂപോ യൂപവൃക്ഷോ ധനുഷ്പാണിർധനുർധരഃ . പിനാകധൃങ്മഹോത്സാഹോ മഹാമായോ മഹാശനഃ ॥ 99 ॥ വീരഃ ശക്തിമതാം ശ്രേഷ്ഠഃ സർവശസ്ത്രഭൃതാം വരഃ . ജ്ഞാനഗമ്യോ ദുരാരാധ്യോ ലോഹിതാംഗോ വിവർധനഃ ॥ 100 ॥ ഖഗോഽന്ധോ ധർമദോ നിത്യോ ധർമകൃച്ചിത്രവിക്രമഃ . ഭഗവാനാത്മവാൻ മന്ത്രസ്ത്ര്യക്ഷരോ നീലലോഹിതഃ ॥ 101 ॥ ഏകോഽനേകസ്ത്രയീ കാലഃ സവിതാ സമിതിഞ്ജയഃ . ശാർങ്ഗധന്വാഽനലോ ഭീമഃ സർവപ്രഹരണായുധഃ ॥ 102 ॥ സുകർമാ പരമേഷ്ഠീ ച നാകപാലീ ദിവിസ്ഥിതഃ . വദാന്യോ വാസുകിർവൈദ്യ ആത്രേയോഽഥ പരാക്രമഃ ॥ 103 ॥ ദ്വാപരഃ പരമോദാരഃ പരമോ ബ്രഹ്മചര്യവാൻ . ഉദീച്യവേഷോ മുകുടീ പദ്മഹസ്തോ ഹിമാംശുഭൃത് ॥ 104 ॥ സിതഃ പ്രസന്നവദനഃ പദ്മോദരനിഭാനനഃ . സായം ദിവാ ദിവ്യവപുരനിർദേശ്യോ മഹാലയഃ ॥ 105 ॥ മഹാരഥോ മഹാനീശഃ ശേഷഃ സത്ത്വരജസ്തമഃ . ധൃതാതപത്രപ്രതിമോ വിമർഷീ നിർണയഃ സ്ഥിതഃ ॥ 106 ॥ അഹിംസകഃ ശുദ്ധമതിരദ്വിതീയോ വിവർധനഃ . സർവദോ ധനദോ മോക്ഷോ വിഹാരീ ബഹുദായകഃ ॥ 107 ॥ ചാരുരാത്രിഹരോ നാഥോ ഭഗവാൻ സർവഗോഽവ്യയഃ . മനോഹരവപുഃ ശുഭ്രഃ ശോഭനഃ സുപ്രഭാവനഃ ॥ 108 ॥ സുപ്രഭാവഃ സുപ്രതാപഃ സുനേത്രോ ദിഗ്വിദിക്പതിഃ . രാജ്ഞീപ്രിയഃ ശബ്ദകരോ ഗ്രഹേശസ്തിമിരാപഹഃ ॥ 109 ॥ സൈംഹികേയരിപുർദേവോ വരദോ വരനായകഃ . ചതുർഭുജോ മഹായോഗീ യോഗീശ്വരപതിസ്തഥാ ॥ 110 ॥ അനാദിരൂപോഽദിതിജോ രത്നകാന്തിഃ പ്രഭാമയഃ . ജഗത്പ്രദീപോ വിസ്തീർണോ മഹാവിസ്തീർണമണ്ഡലഃ ॥ 111 ॥ ഏകചക്രരഥഃ സ്വർണരഥഃ സ്വർണശരീരധൃക് . നിരാലംബോ ഗഗനഗോ ധർമകർമപ്രഭാവകൃത് ॥ 112 ॥ ധർമാത്മാ കർമണാം സാക്ഷീ പ്രത്യക്ഷഃ പരമേശ്വരഃ . മേരുസേവീ സുമേധാവീ മേരുരക്ഷാകരോ മഹാൻ ॥ 113 ॥ ആധാരഭൂതോ രതിമാംസ്തഥാ ച ധനധാന്യകൃത് . പാപസന്താപഹർതാ ച മനോവാഞ്ഛിതദായകഃ ॥ 114 ॥ രോഗഹർതാ രാജ്യദായീ രമണീയഗുണോഽനൃണീ . കാലത്രയാനന്തരൂപോ മുനിവൃന്ദനമസ്കൃതഃ ॥ 115 ॥ സന്ധ്യാരാഗകരഃ സിദ്ധഃ സന്ധ്യാവന്ദനവന്ദിതഃ . സാമ്രാജ്യദാനനിരതഃ സമാരാധനതോഷവാൻ ॥ 116 ॥ ഭക്തദുഃഖക്ഷയകരോ ഭവസാഗരതാരകഃ . ഭയാപഹർതാ ഭഗവാനപ്രമേയപരാക്രമഃ . മനുസ്വാമീ മനുപതിർമാന്യോ മന്വന്തരാധിപഃ ॥ 117 ॥ ഫലശ്രുതിഃ . ഏതത്തേ സർവമാഖ്യാതം യന്മാം ത്വം പരിപൃച്ഛസി . നാമ്നാം സഹസ്രം സവിതുഃ പരാശര്യോ യദാഹ മേ ॥ 118 ॥ ധന്യം യശസ്യമായുഷ്യം ദുഃഖദുഃസ്വപ്നനാശനം . ബന്ധമോക്ഷകരം ചൈവ ഭാനോർനാമാനുകീർതനാത് ॥ 119 ॥ യസ്ത്വിദം ശൃണുയാന്നിത്യം പഠേദ്വാ പ്രയതോ നരഃ . അക്ഷയം സുഖമന്നാദ്യം ഭവേത്തസ്യോപസാധിതം ॥ 120 ॥ നൃപാഗ്നിതസ്കരഭയം വ്യാധിതോ ന ഭയം ഭവേത് . വിജയീ ച ഭവേന്നിത്യമാശ്രയം പരമാപ്നുയാത് ॥ 121 ॥ കീർതിമാൻ സുഭഗോ വിദ്വാൻ സ സുഖീ പ്രിയദർശനഃ . ജീവേദ്വർഷശതായുശ്ച സർവവ്യാധിവിവർജിതഃ ॥ 122 ॥ നാമ്നാം സഹസ്രമിദമംശുമതഃ പഠേദ്യഃ പ്രാതഃ ശുചിർനിയമവാൻ സുസമൃദ്ധിയുക്തഃ . ദൂരേണ തം പരിഹരന്തി സദൈവ രോഗാഃ ഭൂതാഃ സുപർണമിവ സർവമഹോരഗേന്ദ്രാഃ ॥ 123 ॥ ഇതി ശ്രീ ഭവിഷ്യപുരാണേ സപ്തമകല്പേ ശ്രീഭഗവത്സൂര്യസ്യ സഹസ്രനാമസ്തോത്രം സമ്പൂർണം .. ॥ 124 ॥