Surya Sahasra Nama Stotram: 1000 Divine Names of Surya Bhagavan for Health, Success, and Energy in Bengali

অস্য শ্রী সূর্য সহস্রনাম স্তোত্রস্য বেদব্যাস ঋষিঃ অনুষ্টুপ্ছন্দঃ সবিতা দেবতা সর্বাভীষ্ট সিদ্ধ্যর্থে জপে বিনিয়োগঃ । ধ্যানম্ । ধ্যেয়ঃ সদা সবিতৃমণ্ডলমধ্যবর্তী নারায়ণঃ সরসিজাসনসন্নিবিষ্টঃ । কেয়ূরবান্ মকরকুণ্ডলবান্ কিরীটী হারী হিরণ্ময়বপুর্ধৃতশঙ্খচক্রঃ ॥ স্তোত্রম্ । ওঁ বিশ্ববিদ্বিশ্বজিৎকর্তা বিশ্বাত্মা বিশ্বতোমুখঃ । বিশ্বেশ্বরো বিশ্বয়োনির্নিয়তাত্মা জিতেন্দ্রিয়ঃ ॥ 1 ॥ কালাশ্রয়ঃ কালকর্তা কালহা কালনাশনঃ । মহায়োগী মহাসিদ্ধির্মহাত্মা সুমহাবলঃ ॥ 2 ॥ প্রভুর্বিভুর্ভূতনাথো ভূতাত্মা ভুবনেশ্বরঃ । ভূতভব্যো ভাবিতাত্মা ভূতান্তঃকরণং শিবঃ ॥ 3 ॥ শরণ্যঃ কমলানন্দো নন্দনো নন্দবর্ধনঃ । বরেণ্যো বরদো যোগী সুসংয়ুক্তঃ প্রকাশকঃ ॥ 4 ॥ প্রাপ্তয়ানঃ পরপ্রাণঃ পূতাত্মা প্রিয়তঃ প্রিয়ঃ । [প্রয়তঃ] নয়ঃ সহস্রপাৎ সাধুর্দিব্যকুণ্ডলমণ্ডিতঃ ॥ 5 ॥ অব্যঙ্গধারী ধীরাত্মা সবিতা বায়ুবাহনঃ । সমাহিতমতির্দাতা বিধাতা কৃতমঙ্গলঃ ॥ 6 ॥ কপর্দী কল্পপাদ্রুদ্রঃ সুমনা ধর্মবৎসলঃ । সমায়ুক্তো বিমুক্তাত্মা কৃতাত্মা কৃতিনাং বরঃ ॥ 7 ॥ অবিচিন্ত্যবপুঃ শ্রেষ্ঠো মহায়োগী মহেশ্বরঃ । কান্তঃ কামারিরাদিত্যো নিয়তাত্মা নিরাকুলঃ ॥ 8 ॥ কামঃ কারুণিকঃ কর্তা কমলাকরবোধনঃ । সপ্তসপ্তিরচিন্ত্যাত্মা মহাকারুণিকোত্তমঃ ॥ 9 ॥ সঞ্জীবনো জীবনাথো জয়ো জীবো জগৎপতিঃ । অয়ুক্তো বিশ্বনিলয়ঃ সংবিভাগী বৃষধ্বজঃ ॥ 10 ॥ বৃষাকপিঃ কল্পকর্তা কল্পান্তকরণো রবিঃ । একচক্ররথো মৌনী সুরথো রথিনাং বরঃ ॥ 11 ॥ সক্রোধনো রশ্মিমালী তেজোরাশির্বিভাবসুঃ । দিব্যকৃদ্দিনকৃদ্দেবো দেবদেবো দিবস্পতিঃ ॥ 12 ॥ দীননাথো হরো হোতা দিব্যবাহুর্দিবাকরঃ । যজ্ঞো যজ্ঞপতিঃ পূষা স্বর্ণরেতাঃ পরাবরঃ ॥ 13 ॥ পরাপরজ্ঞস্তরণিরংশুমালী মনোহরঃ । প্রাজ্ঞঃ প্রাজ্ঞপতিঃ সূর্যঃ সবিতা বিষ্ণুরংশুমান্ ॥ 14 ॥ সদাগতির্গন্ধবহো বিহিতো বিধিরাশুগঃ । পতঙ্গঃ পতগঃ স্থাণুর্বিহঙ্গো বিহগো বরঃ ॥ 15 ॥ হর্যশ্বো হরিতাশ্বশ্চ হরিদশ্বো জগৎপ্রিয়ঃ । ত্র্যম্বকঃ সর্বদমনো ভাবিতাত্মা ভিষগ্বরঃ ॥ 16 ॥ আলোককৃল্লোকনাথো লোকালোকনমস্কৃতঃ । কালঃ কল্পান্তকো বহ্নিস্তপনঃ সম্প্রতাপনঃ ॥ 17 ॥ বিলোচনো বিরূপাক্ষঃ সহস্রাক্ষঃ পুরন্দরঃ । সহস্ররশ্মির্মিহিরো বিবিধাম্বরভূষণঃ ॥ 18 ॥ খগঃ প্রতর্দনো ধন্যো হয়গো বাগ্বিশারদঃ । শ্রীমানশিশিরো বাগ্মী শ্রীপতিঃ শ্রীনিকেতনঃ ॥ 19 ॥ শ্রীকণ্ঠঃ শ্রীধরঃ শ্রীমান্ শ্রীনিবাসো বসুপ্রদঃ । কামচারী মহামায়ো মহোগ্রোঽবিদিতাময়ঃ ॥ 20 ॥ তীর্থক্রিয়াবান্ সুনয়ো বিভক্তো ভক্তবৎসলঃ । কীর্তিঃ কীর্তিকরো নিত্যঃ কুণ্ডলী কবচী রথী ॥ 21 ॥ হিরণ্যরেতাঃ সপ্তাশ্বঃ প্রয়তাত্মা পরন্তপঃ । বুদ্ধিমানমরশ্রেষ্ঠো রোচিষ্ণুঃ পাকশাসনঃ ॥ 22 ॥ সমুদ্রো ধনদো ধাতা মান্ধাতা কশ্মলাপহঃ । তমোঘ্নো ধ্বান্তহা বহ্নির্হোতাঽন্তঃকরণো গুহঃ ॥ 23 ॥ পশুমান্ প্রয়তানন্দো ভূতেশঃ শ্রীমতাং বরঃ । নিত্যোঽদিতো নিত্যরথঃ সুরেশঃ সুরপূজিতঃ ॥ 24 ॥ অজিতো বিজিতো জেতা জঙ্গমস্থাবরাত্মকঃ । জীবানন্দো নিত্যগামী বিজেতা বিজয়প্রদঃ ॥ 25 ॥ পর্জন্যোঽগ্নিঃ স্থিতিঃ স্থেয়ঃ স্থবিরোঽথ নিরঞ্জনঃ । প্রদ্যোতনো রথারূঢঃ সর্বলোকপ্রকাশকঃ ॥ 26 ॥ ধ্রুবো মেষী মহাবীর্যো হংসঃ সংসারতারকঃ । সৃষ্টিকর্তা ক্রিয়াহেতুর্মার্তণ্ডো মরুতাং পতিঃ ॥ 27 ॥ মরুত্বান্ দহনস্ত্বষ্টা ভগো ভর্গোঽর্যমা কপিঃ । বরুণেশো জগন্নাথঃ কৃতকৃত্যঃ সুলোচনঃ ॥ 28 ॥ বিবস্বান্ ভানুমান্ কার্যঃ কারণস্তেজসাং নিধিঃ । অসঙ্গগামী তিগ্মাংশুর্ধর্মাংশুর্দীপ্তদীধিতিঃ ॥ 29 ॥ সহস্রদীধিতির্ব্রধ্নঃ সহস্রাংশুর্দিবাকরঃ । গভস্তিমান্ দীধিতিমান্ স্রগ্বী মণিকুলদ্যুতিঃ ॥ 30 ॥ ভাস্করঃ সুরকার্যজ্ঞঃ সর্বজ্ঞস্তীক্ষ্ণদীধিতিঃ । সুরজ্যেষ্ঠঃ সুরপতির্বহুজ্ঞো বচসাং পতিঃ ॥ 31 ॥ তেজোনিধির্বৃহত্তেজা বৃহৎকীর্তির্বৃহস্পতিঃ । অহিমানূর্জিতো ধীমানামুক্তঃ কীর্তিবর্ধনঃ ॥ 32 ॥ মহাবৈদ্যো গণপতির্ধনেশো গণনায়কঃ । তীব্রপ্রতাপনস্তাপী তাপনো বিশ্বতাপনঃ ॥ 33 ॥ কার্তস্বরো হৃষীকেশঃ পদ্মানন্দোঽতিনন্দিতঃ । পদ্মনাভোঽমৃতাহারঃ স্থিতিমান্ কেতুমান্ নভঃ ॥ 34 ॥ অনাদ্যন্তোঽচ্যুতো বিশ্বো বিশ্বামিত্রো ঘৃণির্বিরাট্ । আমুক্তকবচো বাগ্মী কঞ্চুকী বিশ্বভাবনঃ ॥ 35 ॥ অনিমিত্তগতিঃ শ্রেষ্ঠঃ শরণ্যঃ সর্বতোমুখঃ । বিগাহী বেণুরসহঃ সমায়ুক্তঃ সমাক্রতুঃ ॥ 36 ॥ ধর্মকেতুর্ধর্মরতিঃ সংহর্তা সংয়মো যমঃ । প্রণতার্তিহরো বায়ুঃ সিদ্ধকার্যো জনেশ্বরঃ ॥ 37 ॥ নভো বিগাহনঃ সত্যঃ সবিতাত্মা মনোহরঃ । হারী হরির্হরো বায়ুরৃতুঃ কালানলদ্যুতিঃ ॥ 38 ॥ সুখসেব্যো মহাতেজা জগতামেককারণম্ । মহেন্দ্রো বিষ্টুতঃ স্তোত্রং স্তুতিহেতুঃ প্রভাকরঃ ॥ 39 ॥ সহস্রকর আয়ুষ্মান্ অরোষঃ সুখদঃ সুখী । ব্যাধিহা সুখদঃ সৌখ্যং কল্যাণঃ কলতাং বরঃ ॥ 40 ॥ আরোগ্যকারণং সিদ্ধিরৃদ্ধির্বৃদ্ধির্বৃহস্পতিঃ । হিরণ্যরেতা আরোগ্যং বিদ্বান্ ব্রধ্নো বুধো মহান্ ॥ 41 ॥ প্রাণবান্ ধৃতিমান্ ঘর্মো ঘর্মকর্তা রুচিপ্রদঃ । সর্বপ্রিয়ঃ সর্বসহঃ সর্বশত্রুবিনাশনঃ ॥ 42 ॥ প্রাংশুর্বিদ্যোতনো দ্যোতঃ সহস্রকিরণঃ কৃতী । কেয়ূরী ভূষণোদ্ভাসী ভাসিতো ভাসনোঽনলঃ ॥ 43 ॥ শরণ্যার্তিহরো হোতা খদ্যোতঃ খগসত্তমঃ । সর্বদ্যোতো ভবদ্যোতঃ সর্বদ্যুতিকরো মতঃ ॥ 44 ॥ কল্যাণঃ কল্যাণকরঃ কল্যঃ কল্যকরঃ কবিঃ । কল্যাণকৃৎ কল্যবপুঃ সর্বকল্যাণভাজনম্ ॥ 45 ॥ শান্তিপ্রিয়ঃ প্রসন্নাত্মা প্রশান্তঃ প্রশমপ্রিয়ঃ । উদারকর্মা সুনয়ঃ সুবর্চা বর্চসোজ্জ্বলঃ ॥ 46 ॥ বর্চস্বী বর্চসামীশস্ত্রৈলোক্যেশো বশানুগঃ । তেজস্বী সুয়শা বর্ষ্মী বর্ণাধ্যক্ষো বলিপ্রিয়ঃ ॥ 47 ॥ যশস্বী তেজোনিলয়স্তেজস্বী প্রকৃতিস্থিতঃ । আকাশগঃ শীঘ্রগতিরাশুগো গতিমান্ খগঃ ॥ 48 ॥ গোপতির্গ্রহদেবেশো গোমানেকঃ প্রভঞ্জনঃ । জনিতা প্রজনো জীবো দীপঃ সর্বপ্রকাশকঃ ॥ 49 ॥ সর্বসাক্ষী যোগনিত্যো নভস্বানসুরান্তকঃ । রক্ষোঘ্নো বিঘ্নশমনঃ কিরীটী সুমনঃপ্রিয়ঃ ॥ 50 ॥ মরীচিমালী সুমতিঃ কৃতাভিখ্যবিশেষকঃ । শিষ্টাচারঃ শুভাচারঃ স্বচারাচারতৎপরঃ ॥ 51 ॥ মন্দারো মাঠরো বেণুঃ ক্ষুধাপঃ ক্ষ্মাপতির্গুরুঃ । সুবিশিষ্টো বিশিষ্টাত্মা বিধেয়ো জ্ঞানশোভনঃ ॥ 52 ॥ মহাশ্বেতঃ প্রিয়ো জ্ঞেয়ঃ সামগো মোক্ষদায়কঃ । সর্ববেদপ্রগীতাত্মা সর্ববেদলয়ো মহান্ ॥ 53 ॥ বেদমূর্তিশ্চতুর্বেদো বেদভৃদ্বেদপারগঃ । ক্রিয়াবানসিতো জিষ্ণুর্বরীয়াংশুর্বরপ্রদঃ ॥ 54 ॥ ব্রতচারী ব্রতধরো লোকবন্ধুরলঙ্কৃতঃ । অলঙ্কারাক্ষরো বেদ্যো বিদ্যাবান্ বিদিতাশয়ঃ ॥ 55 ॥ আকারো ভূষণো ভূষ্যো ভূষ্ণুর্ভুবনপূজিতঃ । চক্রপাণির্ধ্বজধরঃ সুরেশো লোকবৎসলঃ ॥ 56 ॥ বাগ্মিপতির্মহাবাহুঃ প্রকৃতির্বিকৃতির্গুণঃ । অন্ধকারাপহঃ শ্রেষ্ঠো যুগাবর্তো যুগাদিকৃৎ ॥ 57 ॥ অপ্রমেয়ঃ সদায়োগী নিরহঙ্কার ঈশ্বরঃ । শুভপ্রদঃ শুভঃ শাস্তা শুভকর্মা শুভপ্রদঃ ॥ 58 ॥ সত্যবান্ শ্রুতিমানুচ্চৈর্নকারো বৃদ্ধিদোঽনলঃ । বলভৃদ্বলদো বন্ধুর্মতিমান্ বলিনাং বরঃ ॥ 59 ॥ অনঙ্গো নাগরাজেন্দ্রঃ পদ্ময়োনির্গণেশ্বরঃ । সংবৎসর ঋতুর্নেতা কালচক্রপ্রবর্তকঃ ॥ 60 ॥ পদ্মেক্ষণঃ পদ্ময়োনিঃ প্রভাবানমরঃ প্রভুঃ । সুমূর্তিঃ সুমতিঃ সোমো গোবিন্দো জগদাদিজঃ ॥ 61 ॥ পীতবাসাঃ কৃষ্ণবাসা দিগ্বাসাস্ত্বিন্দ্রিয়াতিগঃ । অতীন্দ্রিয়োঽনেকরূপঃ স্কন্দঃ পরপুরঞ্জয়ঃ ॥ 62 ॥ শক্তিমান্ জলধৃগ্ভাস্বান্ মোক্ষহেতুরয়োনিজঃ । সর্বদর্শী জিতাদর্শো দুঃস্বপ্নাশুভনাশনঃ ॥ 63 ॥ মাঙ্গল্যকর্তা তরণির্বেগবান্ কশ্মলাপহঃ । স্পষ্টাক্ষরো মহামন্ত্রো বিশাখো যজনপ্রিয়ঃ ॥ 64 ॥ বিশ্বকর্মা মহাশক্তির্দ্যুতিরীশো বিহঙ্গমঃ । বিচক্ষণো দক্ষ ইন্দ্রঃ প্রত্যূষঃ প্রিয়দর্শনঃ ॥ 65 ॥ অখিন্নো বেদনিলয়ো বেদবিদ্বিদিতাশয়ঃ । প্রভাকরো জিতরিপুঃ সুজনোঽরুণসারথিঃ ॥ 66 ॥ কুনাশী সুরতঃ স্কন্দো মহিতোঽভিমতো গুরুঃ । গ্রহরাজো গ্রহপতির্গ্রহনক্ষত্রমণ্ডলঃ ॥ 67 ॥ ভাস্করঃ সততানন্দো নন্দনো নরবাহনঃ । মঙ্গলোঽথ মঙ্গলবান্ মাঙ্গল্যো মঙ্গলাবহঃ ॥ 68 ॥ মঙ্গল্যচারুচরিতঃ শীর্ণঃ সর্বব্রতো ব্রতী । চতুর্মুখঃ পদ্মমালী পূতাত্মা প্রণতার্তিহা ॥ 69 ॥ অকিঞ্চনঃ সতামীশো নির্গুণো গুণবাঞ্ছুচিঃ । সম্পূর্ণঃ পুণ্ডরীকাক্ষো বিধেয়ো যোগতৎপরঃ ॥ 70 ॥ সহস্রাংশুঃ ক্রতুমতিঃ সর্বজ্ঞঃ সুমতিঃ সুবাক্ । সুবাহনো মাল্যদামা কৃতাহারো হরিপ্রিয়ঃ ॥ 71 ॥ ব্রহ্মা প্রচেতাঃ প্রথিতঃ প্রয়তাত্মা স্থিরাত্মকঃ । শতবিন্দুঃ শতমুখো গরীয়াননলপ্রভঃ ॥ 72 ॥ ধীরো মহত্তরো বিপ্রঃ পুরাণপুরুষোত্তমঃ । বিদ্যারাজাধিরাজো হি বিদ্যাবান্ ভূতিদঃ স্থিতঃ ॥ 73 ॥ অনির্দেশ্যবপুঃ শ্রীমান্ বিপাপ্মা বহুমঙ্গলঃ । স্বঃস্থিতঃ সুরথঃ স্বর্ণো মোক্ষদো বলিকেতনঃ ॥ 74 ॥ নির্দ্বন্দ্বো দ্বন্দ্বহা স্বর্গঃ সর্বগঃ সম্প্রকাশকঃ । দয়ালুঃ সূক্ষ্মধীঃ ক্ষান্তিঃ ক্ষেমাক্ষেমস্থিতিপ্রিয়ঃ ॥ 75 ॥ ভূধরো ভূপতির্বক্তা পবিত্রাত্মা ত্রিলোচনঃ । মহাবরাহঃ প্রিয়কৃদ্দাতা ভোক্তাঽভয়প্রদঃ ॥ 76 ॥ চক্রবর্তী ধৃতিকরঃ সম্পূর্ণোঽথ মহেশ্বরঃ । চতুর্বেদধরোঽচিন্ত্যো বিনিন্দ্যো বিবিধাশনঃ ॥ 77 ॥ বিচিত্ররথ একাকী সপ্তসপ্তিঃ পরাৎপরঃ । সর্বোদধিস্থিতিকরঃ স্থিতিস্থেয়ঃ স্থিতিপ্রিয়ঃ ॥ 78 ॥ নিষ্কলঃ পুষ্কলো বিভুর্বসুমান্ বাসবপ্রিয়ঃ । পশুমান্ বাসবস্বামী বসুধামা বসুপ্রদঃ ॥ 79 ॥ বলবান্ জ্ঞানবাংস্তত্ত্বমোঙ্কারস্ত্রিষুসংস্থিতঃ । সঙ্কল্পয়োনির্দিনকৃদ্ভগবান্ কারণাপহঃ ॥ 80 ॥ নীলকণ্ঠো ধনাধ্যক্ষশ্চতুর্বেদপ্রিয়ংবদঃ । বষট্কারোদ্গাতা হোতা স্বাহাকারো হুতাহুতিঃ ॥ 81 ॥ জনার্দনো জনানন্দো নরো নারায়ণোঽম্বুদঃ । সন্দেহনাশনো বায়ুর্ধন্বী সুরনমস্কৃতঃ ॥ 82 ॥ বিগ্রহী বিমলো বিন্দুর্বিশোকো বিমলদ্যুতিঃ । দ্যুতিমান্ দ্যোতনো বিদ্যুদ্বিদ্যাবান্ বিদিতো বলী ॥ 83 ॥ ঘর্মদো হিমদো হাসঃ কৃষ্ণবর্ত্মা সুতাজিতঃ । সাবিত্রীভাবিতো রাজা বিশ্বামিত্রো ঘৃণির্বিরাট্ ॥ 84 ॥ সপ্তার্চিঃ সপ্ততুরগঃ সপ্তলোকনমস্কৃতঃ । সম্পূর্ণোঽথ জগন্নাথঃ সুমনাঃ শোভনপ্রিয়ঃ ॥ 85 ॥ সর্বাত্মা সর্বকৃৎ সৃষ্টিঃ সপ্তিমান্ সপ্তমীপ্রিয়ঃ । সুমেধা মেধিকো মেধ্যো মেধাবী মধুসূদনঃ ॥ 86 ॥ অঙ্গিরঃপতিঃ কালজ্ঞো ধূমকেতুঃ সুকেতনঃ । সুখী সুখপ্রদঃ সৌখ্যঃ কান্তিঃ কান্তিপ্রিয়ো মুনিঃ ॥ 87 ॥ সন্তাপনঃ সন্তপন আতপস্তপসাং পতিঃ । উমাপতিঃ সহস্রাংশুঃ প্রিয়কারী প্রিয়ঙ্করঃ ॥ 88 ॥ প্রীতির্বিমন্যুরম্ভোত্থঃ খঞ্জনো জগতাং পতিঃ । জগৎপিতা প্রীতমনাঃ সর্বঃ খর্বো গুহোঽচলঃ ॥ 89 ॥ সর্বগো জগদানন্দো জগন্নেতা সুরারিহা । শ্রেয়ঃ শ্রেয়স্করো জ্যায়ান্ মহানুত্তম উদ্ভবঃ ॥ 90 ॥ উত্তমো মেরুমেয়োঽথ ধরণো ধরণীধরঃ । ধরাধ্যক্ষো ধর্মরাজো ধর্মাধর্মপ্রবর্তকঃ ॥ 91 ॥ রথাধ্যক্ষো রথগতিস্তরুণস্তনিতোঽনলঃ । উত্তরোঽনুত্তরস্তাপী অবাক্পতিরপাং পতিঃ ॥ 92 ॥ পুণ্যসঙ্কীর্তনঃ পুণ্যো হেতুর্লোকত্রয়াশ্রয়ঃ । স্বর্ভানুর্বিগতানন্দো বিশিষ্টোৎকৃষ্টকর্মকৃৎ ॥ 93 ॥ ব্যাধিপ্রণাশনঃ ক্ষেমঃ শূরঃ সর্বজিতাং বরঃ । একরথো রথাধীশঃ পিতা শনৈশ্চরস্য হি ॥ 94 ॥ বৈবস্বতগুরুর্মৃত্যুর্ধর্মনিত্যো মহাব্রতঃ । প্রলম্বহারসঞ্চারী প্রদ্যোতো দ্যোতিতানলঃ ॥ 95 ॥ সন্তাপহৃৎ পরো মন্ত্রো মন্ত্রমূর্তির্মহাবলঃ । শ্রেষ্ঠাত্মা সুপ্রিয়ঃ শম্ভুর্মরুতামীশ্বরেশ্বরঃ ॥ 96 ॥ সংসারগতিবিচ্চেত্তা সংসারার্ণবতারকঃ । সপ্তজিহ্বঃ সহস্রার্চী রত্নগর্ভোঽপরাজিতঃ ॥ 97 ॥ ধর্মকেতুরমেয়াত্মা ধর্মাধর্মবরপ্রদঃ । লোকসাক্ষী লোকগুরুর্লোকেশশ্চণ্ডবাহনঃ ॥ 98 ॥ ধর্ময়ূপো যূপবৃক্ষো ধনুষ্পাণির্ধনুর্ধরঃ । পিনাকধৃঙ্মহোৎসাহো মহামায়ো মহাশনঃ ॥ 99 ॥ বীরঃ শক্তিমতাং শ্রেষ্ঠঃ সর্বশস্ত্রভৃতাং বরঃ । জ্ঞানগম্যো দুরারাধ্যো লোহিতাঙ্গো বিবর্ধনঃ ॥ 100 ॥ খগোঽন্ধো ধর্মদো নিত্যো ধর্মকৃচ্চিত্রবিক্রমঃ । ভগবানাত্মবান্ মন্ত্রস্ত্র্যক্ষরো নীললোহিতঃ ॥ 101 ॥ একোঽনেকস্ত্রয়ী কালঃ সবিতা সমিতিঞ্জয়ঃ । শার্ঙ্গধন্বাঽনলো ভীমঃ সর্বপ্রহরণায়ুধঃ ॥ 102 ॥ সুকর্মা পরমেষ্ঠী চ নাকপালী দিবিস্থিতঃ । বদান্যো বাসুকির্বৈদ্য আত্রেয়োঽথ পরাক্রমঃ ॥ 103 ॥ দ্বাপরঃ পরমোদারঃ পরমো ব্রহ্মচর্যবান্ । উদীচ্যবেষো মুকুটী পদ্মহস্তো হিমাংশুভৃৎ ॥ 104 ॥ সিতঃ প্রসন্নবদনঃ পদ্মোদরনিভাননঃ । সায়ং দিবা দিব্যবপুরনির্দেশ্যো মহালয়ঃ ॥ 105 ॥ মহারথো মহানীশঃ শেষঃ সত্ত্বরজস্তমঃ । ধৃতাতপত্রপ্রতিমো বিমর্ষী নির্ণয়ঃ স্থিতঃ ॥ 106 ॥ অহিংসকঃ শুদ্ধমতিরদ্বিতীয়ো বিবর্ধনঃ । সর্বদো ধনদো মোক্ষো বিহারী বহুদায়কঃ ॥ 107 ॥ চারুরাত্রিহরো নাথো ভগবান্ সর্বগোঽব্যযঃ । মনোহরবপুঃ শুভ্রঃ শোভনঃ সুপ্রভাবনঃ ॥ 108 ॥ সুপ্রভাবঃ সুপ্রতাপঃ সুনেত্রো দিগ্বিদিক্পতিঃ । রাজ্ঞীপ্রিয়ঃ শব্দকরো গ্রহেশস্তিমিরাপহঃ ॥ 109 ॥ সৈংহিকেয়রিপুর্দেবো বরদো বরনায়কঃ । চতুর্ভুজো মহায়োগী যোগীশ্বরপতিস্তথা ॥ 110 ॥ অনাদিরূপোঽদিতিজো রত্নকান্তিঃ প্রভাময়ঃ । জগৎপ্রদীপো বিস্তীর্ণো মহাবিস্তীর্ণমণ্ডলঃ ॥ 111 ॥ একচক্ররথঃ স্বর্ণরথঃ স্বর্ণশরীরধৃক্ । নিরালম্বো গগনগো ধর্মকর্মপ্রভাবকৃৎ ॥ 112 ॥ ধর্মাত্মা কর্মণাং সাক্ষী প্রত্যক্ষঃ পরমেশ্বরঃ । মেরুসেবী সুমেধাবী মেরুরক্ষাকরো মহান্ ॥ 113 ॥ আধারভূতো রতিমাংস্তথা চ ধনধান্যকৃৎ । পাপসন্তাপহর্তা চ মনোবাঞ্ছিতদায়কঃ ॥ 114 ॥ রোগহর্তা রাজ্যদায়ী রমণীয়গুণোঽনৃণী । কালত্রয়ানন্তরূপো মুনিবৃন্দনমস্কৃতঃ ॥ 115 ॥ সন্ধ্যারাগকরঃ সিদ্ধঃ সন্ধ্যাবন্দনবন্দিতঃ । সাম্রাজ্যদাননিরতঃ সমারাধনতোষবান্ ॥ 116 ॥ ভক্তদুঃখক্ষয়করো ভবসাগরতারকঃ । ভয়াপহর্তা ভগবানপ্রমেয়পরাক্রমঃ । মনুস্বামী মনুপতির্মান্যো মন্বন্তরাধিপঃ ॥ 117 ॥ ফলশ্রুতিঃ । এতত্তে সর্বমাখ্যাতং যন্মাং ত্বং পরিপৃচ্ছসি । নাম্নাং সহস্রং সবিতুঃ পরাশর্যো যদাহ মে ॥ 118 ॥ ধন্যং যশস্যমায়ুষ্যং দুঃখদুঃস্বপ্ননাশনম্ । বন্ধমোক্ষকরং চৈব ভানোর্নামানুকীর্তনাৎ ॥ 119 ॥ যস্ত্বিদং শৃণুয়ান্নিত্যং পঠেদ্বা প্রয়তো নরঃ । অক্ষয়ং সুখমন্নাদ্যং ভবেত্তস্যোপসাধিতম্ ॥ 120 ॥ নৃপাগ্নিতস্করভয়ং ব্যাধিতো ন ভয়ং ভবেৎ । বিজয়ী চ ভবেন্নিত্যমাশ্রয়ং পরমাপ্নুয়াৎ ॥ 121 ॥ কীর্তিমান্ সুভগো বিদ্বান্ স সুখী প্রিয়দর্শনঃ । জীবেদ্বর্ষশতায়ুশ্চ সর্বব্যাধিবিবর্জিতঃ ॥ 122 ॥ নাম্নাং সহস্রমিদমংশুমতঃ পঠেদ্যঃ প্রাতঃ শুচির্নিয়মবান্ সুসমৃদ্ধিয়ুক্তঃ । দূরেণ তং পরিহরন্তি সদৈব রোগাঃ ভূতাঃ সুপর্ণমিব সর্বমহোরগেন্দ্রাঃ ॥ 123 ॥ ইতি শ্রী ভবিষ্যপুরাণে সপ্তমকল্পে শ্রীভগবৎসূর্যস্য সহস্রনামস্তোত্রং সম্পূর্ণম্ ॥ ॥ 124 ॥