Sri Padma Kavacham: Sacred Shield for Protection, Wealth, and Prosperity from Goddess Lakshmi

nārāyaṇa uvāca |śr̥ṇu viprēndra padmāyāḥ kavacaṁ paramaṁ śubham |padmanābhēna yaddattaṁ brahmaṇē nābhipadmakē ॥ 1 ॥ samprāpya kavacaṁ brahma tatpadmē sasr̥jē jagat |padmālayāprasādēna salakṣmīkō babhūva saḥ ॥ 2 ॥ padmālayāvaraṁ prāpya pādmaśca jagatāṁ prabhuḥ |pādmēna padmakalpē ca kavacaṁ paramādbhutam ॥ 3 ॥ dattaṁ sanatkumārāya priyaputrāya dhīmatē |kumārēṇa ca yaddattaṁ puṣkarākṣāya nārada ॥ 4 ॥ yaddhr̥tvā paṭhanādbrahmā sarvasiddhēśvarō mahān |paramaiśvaryasamyuktaḥ sarvasampatsamanvitaḥ ॥ 5 ॥ yaddhr̥tvā ca dhanādhyakṣaḥ kubēraśca dhanādhipaḥ |svāyambhuvō manuḥ śrīmānpaṭhanāddhāraṇādyataḥ ॥ 6 ॥ priyavratōttānapādau lakṣmīvantau yatō munē |pr̥thuḥ pr̥thvīpatiḥ sadyō hyabhavaddhāraṇādyataḥ ॥ 7 ॥ kavacasya prasādēna svayaṁ dakṣaḥ prajāpatiḥ |dharmaśca karmaṇāṁ sākṣī pātā yasya prasādataḥ ॥ 8 ॥ yaddhr̥tvā dakṣiṇē bāhau viṣṇuḥ kṣīrōdaśāyitaḥ |bhaktyā vidhattē kaṇṭhē ca śēṣō nārāyaṇāṁśakaḥ ॥ 9 ॥ yaddhr̥tvā vāmanaṁ lēbhē kaśyapaśca prajāpatiḥ |sarvadēvādhipaḥ śrīmānmahēndrō dhāraṇādyataḥ ॥ 10 ॥ rājā maruttō bhagavānabhavaddhāraṇādyataḥ |trailōkyādhipatiḥ śrīmānnahuṣō yasya dhāraṇāt ॥ 11 ॥ viśvaṁ vijigyē khaṭvāṅgaḥ paṭhanāddhāraṇādyataḥ |mucukundō yataḥ śrīmānmāndhātr̥tanayō mahān ॥ 12 ॥ sarvasampatpradasyāsya kavacasya prajāpatiḥ |r̥ṣiśchandaśca br̥hatī dēvī padmālayā svayam ॥ 13 ॥ dharmārthakāmamōkṣēṣu viniyōgaḥ prakīrtitaḥ |puṇyabījaṁ ca mahatāṁ kavacaṁ paramādbhutam ॥ 14 ॥ ōṁ hrīṁ kamalavāsinyai svāhā mē pātu mastakam |śrīṁ mē pātu kapālaṁ ca lōcanē śrīṁ śriyai namaḥ ॥ 15 ॥ ōṁ śrīṁ śriyai svāhēti ca karṇayugmaṁ sadā:’vatu |ōṁ [hrīṁ] śrīṁ klīṁ mahālakṣmyai svāhā mē pātu nāsikām ॥ 16 ॥ ōṁ śrīṁ padmālayāyai ca svāhā dantānsadā:’vatu |ōṁ śrīṁ kr̥ṣṇapriyāyai ca dantarandhraṁ sadā:’vatu ॥ 17 ॥ ōṁ śrīṁ nārāyaṇēśāyai mama kaṇṭhaṁ sadā:’vatu |ōṁ śrīṁ kēśavakāntāyai mama skandhaṁ sadā:’vatu ॥ 18 ॥ ōṁ śrīṁ padmanivāsinyai svāhā nābhiṁ sadā:’vatu |ōṁ hrīṁ śrīṁ saṁsāramātrē mama vakṣaḥ sadā:’vatu ॥ 19 ॥ ōṁ śrīṁ ōṁ kr̥ṣṇakāntāyai svāhā pr̥ṣṭhaṁ sadā:’vatu |ōṁ hrīṁ śrīṁ śriyai svāhā ca mama hastau sadā:’vatu ॥ 20 ॥ ōṁ śrīnivāsakāntāyai mama pādau sadā:’vatu |ōṁ hrīṁ śrīṁ klīṁ śriyai svāhā sarvāṅgaṁ mē sadā:’vatu ॥ 21 ॥ prācyāṁ pātu mahālakṣmīrāgnēyyāṁ kamalālayā |padmā māṁ dakṣiṇē pātu nairr̥tyāṁ śrīharipriyā ॥ 22 ॥ padmālayā paścimē māṁ vāyavyāṁ pātu sā svayam |uttarē kamalā pātu caiśānyāṁ sindhukanyakā ॥ 23 ॥ nārāyaṇī ca pātūrdhvamadhō viṣṇupriyā:’vatu |santataṁ sarvataḥ pātu viṣṇuprāṇādhikā mama ॥ 24 ॥ iti tē kathitaṁ vatsa sarvamantraughavigraham |sarvaiśvaryapradaṁ nāma kavacaṁ paramādbhutam ॥ 25 ॥ suvarṇaparvataṁ datvā mērutulyaṁ dvijātayē |yatphalaṁ labhatē dharmī kavacēna tatō:’dhikam ॥ 26 ॥ gurumabhyarcya vidhivatkavacaṁ dhārayēttu yaḥ |kaṇṭhē vā dakṣiṇē bāhau sa śrīmānpratijanmani ॥ 27 ॥ asti lakṣmīrgr̥hē tasya niścalā śatapūruṣam |dēvēndraiścāsurēndraiśca sō:’vadhyō niścitaṁ bhavēt ॥ 28 ॥ sa sarvapuṇyavān dhīmān sarvayajñēṣu dīkṣitaḥ |sa snātaḥ sarvatīrthēṣu yasyēdaṁ kavacaṁ galē ॥ 29 ॥ yasmai kasmai na dātavyaṁ lōbhamōhabhayairapi |gurubhaktāya śiṣyāya śaraṇyāya prakāśayēt ॥ 30 ॥ idaṁ kavacamajñātvā japēllakṣmīṁ jagatprasūm |kōṭisaṅkhyaṁ prajaptō:’pi na mantraḥ siddhidāyakaḥ ॥ 31 ॥ iti śrībrahmavaivartē mahāpurāṇē tr̥tīyē gaṇapatikhaṇḍē aṣṭātriṁśattamō:’dhyāyē nāradanārāyaṇasaṁvādē śrī lakṣmī kavacam || ॥ 32 ॥