Sri Narasimha Ashtakam Lyrics in Telugu: A Hymn to Lord Narasimha

శ్రీమదకలంక పరిపూర్ణ శశికోటి- శ్రీధర మనోహర సటాపటల కాంత। పాలయ కృపాలయ భవాంబుధి-నిమగ్నం దైత్యవరకాల నరసింహ నరసింహ ॥ 1 ॥ పాదకమలావనత పాతకి-జనానాం పాతకదవానల పతత్రివర-కేతో। భావన పరాయణ భవార్తిహరయా మాం పాహి కృపయైవ నరసింహ నరసింహ ॥ 2 ॥ తుంగనఖ-పంక్తి-దలితాసుర-వరాసృక్ పంక-నవకుంకుమ-విపంకిల-మహోరః । పండితనిధాన-కమలాలయ నమస్తే పంకజనిషణ్ణ నరసింహ నరసింహ ॥ 3 ॥ మౌలిషు విభూషణమివామర వరాణాం యోగిహృదయేషు చ శిరస్సునిగమానామ్ । రాజదరవింద-రుచిరం పదయుగం తే దేహి మమ మూర్ధ్ని నరసింహ నరసింహ ॥ 4 ॥ వారిజవిలోచన మదంతిమ-దశాయాం క్లేశ-వివశీకృత-సమస్త-కరణాయామ్ । ఏహి రమయా సహ శరణ్య విహగానాం నాథమధిరుహ్య నరసింహ నరసింహ ॥ 5 ॥ హాటక-కిరీట-వరహార-వనమాలా ధారరశనా-మకరకుండల-మణీంద్రైః । భూషితమశేష-నిలయం తవ వపుర్మే చేతసి చకాస్తు నరసింహ నరసింహ ॥ 6 ॥ ఇందు రవి పావక విలోచన రమాయాః మందిర మహాభుజ-లసద్వర-రథాంగ। సుందర చిరాయ రమతాం త్వయి మనో మే నందిత సురేశ నరసింహ నరసింహ ॥ 7 ॥ మాధవ ముకుంద మధుసూదన మురారే వామన నృసింహ శరణం భవ నతానామ్ । కామద ఘృణిన్ నిఖిలకారణ నయేయం కాలమమరేశ నరసింహ నరసింహ ॥ 8 ॥ అష్టకమిదం సకల-పాతక-భయఘ్నం కామదం అశేష-దురితామయ-రిపుఘ్నమ్ । యః పఠతి సంతతమశేష-నిలయం తే గచ్ఛతి పదం స నరసింహ నరసింహ ॥ 9 ॥