Sri Mayuresha Stuthi: Sacred Hymn for Wisdom, Prosperity, and the Blessings of Lord Mayuresha Ganesha

dēvarṣaya ūcuḥ |namastē śikhivāhāya mayūradhvajadhāriṇē |mayūrēśvaranāmnē vai gaṇēśāya namō namaḥ ॥ 1 ॥ anāthānāṁ praṇāthāya gatāhaṅkāriṇāṁ patē |māyāpracālakāyaiva vighnēśāya namō namaḥ ॥ 2 ॥ sarvānandapradātrē tē sadā svānandavāsinē |svasvadharmaratānāṁ ca pālakāya namō namaḥ ॥ 3 ॥ anādayē parēśāya daityadānavamardinē |vidharmasthasvabhāvānāṁ hartrē vikaṭa tē namaḥ ॥ 4 ॥ śivaputrāya sarvēṣāṁ mātrē pitrē namō namaḥ |pārvatīnandanāyaiva skandāgraja namō namaḥ ॥ 5 ॥ nānāvatārarūpaistu viśvasaṁsthākarāya tē |kāśyapāya namastubhyaṁ śēṣaputrāya tē namaḥ ॥ 6 ॥ sindhuhantrē ca hērambāya paraśudharāya tē |dēvadēvēśa pālāya brahmaṇāṁ patayē namaḥ ॥ 7 ॥ yōgēśāya suśāntibhyaḥ śāntidātrē kr̥pālavē |anantānanabāhō tē:’nantōdara namō namaḥ ॥ 8 ॥ anantavibhavāyaiva cittavr̥ttipracālaka |sarvahr̥tsthāya sarvēṣāṁ pūjyāya tē namō namaḥ ॥ 9 ॥ sarvādipūjyarūpāya jyēṣṭharājāya tē namaḥ |gaṇānāṁ patayē caiva siddhibuddhivarāya ca ॥ 10 ॥ kiṁ stumastvāṁ mayūrēśa yatra vēdādayaḥ prabhō |yōginaḥ śāntimāpannā atō namāmahē vayam ॥ 11 ॥ tēna tuṣṭō bhava svāmin dayāghana pravartaka |tvadīyāṅgasamudbhūtān rakṣa nō nityadā prabhō ॥ 12 ॥ ēvaṁ stutvā praṇēmustaṁ tatō dēvō:’bravīn sa tān |varān vr̥ṇuta dēvēśā munibhiśca samanvitāḥ ॥ 13 ॥ bhavatkr̥tamidaṁ stōtraṁ sarvasiddhipradāyakam |bhaviṣyati mahābhāgā mama prītivivardhanam ॥ 14 ॥ yaḥ paṭhēcchr̥ṇuyādvāpi śrāvayētsa labhat parām |bhuktiṁ muktiṁ madīyāṁ tu narō bhaktiṁ na saṁśayaḥ ॥ 15 ॥ iti śrīmanmudgalē mahāpurāṇē ṣaṣṭhē khaṇḍē śrī mayūrēśa stutiḥ | ॥ 16 ॥