Sri Mahalakshmi Kavacham: Powerful Armor of Protection for Wealth, Prosperity, and Divine Blessings

asya śrīmahālakṣmī kavacamantrasya brahmā r̥ṣiḥ gāyatrī chandaḥ mahālakṣmīrdēvatā śrīmahālakṣmī prītyarthaṁ japē viniyōgaḥ || indra uvāca |samastakavacānāṁ tu tējasvi kavacōttamam |ātmarakṣaṇamārōgyaṁ satyaṁ tvaṁ brūhi gīṣpatē ॥ 1 ॥ śrīgururuvāca |mahālakṣmyāstu kavacaṁ pravakṣyāmi samāsataḥ |caturdaśasu lōkēṣu rahasyaṁ brahmaṇōditam ॥ 2 ॥ brahmōvāca |śirō mē viṣṇupatnī ca lalāṭamamr̥tōdbhavā |cakṣuṣī suviśālākṣī śravaṇē sāgarāmbujā ॥ 3 ॥ ghrāṇaṁ pātu varārōhā jihvāmāmnāyarūpiṇī |mukhaṁ pātu mahālakṣmīḥ kaṇṭhaṁ vaikuṇṭhavāsinī ॥ 4 ॥ skandhau mē jānakī pātu bhujau bhārgavanandinī |bāhū dvau draviṇī pātu karau harivarāṅganā ॥ 5 ॥ vakṣaḥ pātu ca śrīrdēvī hr̥dayaṁ harisundarī |kukṣiṁ ca vaiṣṇavī pātu nābhiṁ bhuvanamātr̥kā ॥ 6 ॥ kaṭiṁ ca pātu vārāhī sakthinī dēvadēvatā |ūrū nārāyaṇī pātu jānunī candrasōdarī ॥ 7 ॥ indirā pātu jaṅghē mē pādau bhaktanamaskr̥tā |nakhān tējasvinī pātu sarvāṅgaṁ karuṇāmayī ॥ 8 ॥ brahmaṇā lōkarakṣārthaṁ nirmitaṁ kavacaṁ śriyaḥ |yē paṭhanti mahātmānastē ca dhanyā jagattrayē ॥ 9 ॥ kavacēnāvr̥tāṅgānāṁ janānāṁ jayadā sadā |mātēva sarvasukhadā bhava tvamamarēśvarī ॥ 10 ॥ bhūyaḥ siddhimavāpnōti pūrvōktaṁ brahmaṇā svayam |lakṣmīrharipriyā padmā ētannāmatrayaṁ smaran ॥ 11 ॥ nāmatrayamidaṁ japtvā sa yāti paramāṁ śriyam |yaḥ paṭhētsa ca dharmātmā sarvān kāmānavāpnuyāt ॥ 12 ॥ iti śrībrahmapurāṇē indrōpadiṣṭaṁ śrī mahālakṣmī kavacam || ॥ 13 ॥