Sri Lalitha Pancharatnam Lyrics: A Devotional Hymn to Goddess Lalitha Devi in Marathi

प्रातः स्मरामि ललितावदनारविंदं बिंबाधरं पृ ॥ 1 ॥ लमौक्तिकशोभिनासम् | आकर्णदीर्घनयनं मणिकुंडलाढ्यं मंदस्मितं मृगमदोज्ज्वलफालदेशम् || १ || प्रातर्भजामि ललिताभुजकल्पवल्लीं रक्तांगुळीयलसदंगुळिपल्लवाढ्याम् | माणिक्यहेमवलयांगदशोभमानां पुंड्रेक्षुचापकुसुमेषुसृणीर्दधानाम् || २ || प्रातर्नमामि ललिताचरणारविंदं भक्तेष्टदाननिरतं भवसिंधुपोतम् | पद्मासनादिसुरनायकपूजनीयं पद्मांकुशध्वजसुदर्शनलांछनाढ्यम् || ३ || प्रातः स्तुवे परशिवां ललितां भवानीं त्रय्यंतवेद्यविभवां करुणानवद्याम् | विश्वस्य सृष्टिविलयस् ॥ 2 ॥ तिहेतुभूतां विद्येश्वरीं निगमवाङ्मनसातिदूराम् || ४ || प्रातर्वदामि ललिते तव पुण्यनाम कामेश्वरीति कमलेति महेश्वरीति | श्रीशांभवीति जगतां जननी परेति वाग्देवतेति वचसा त्रिपुरेश्वरीति || ५ || यः श्लोकपंचकमिदं ललितांबिकायाः सौभाग्यदं सुललितं पठति प्रभाते | तस्मै ददाति ललिता झटिति प्रसन्ना विद्यां श्रियं विमलसौख्यमनंतकीर्तिम् || ६ || इति श्रीमत्परमहंसपरिव्राजकाचार्यस्य श्रीगोविंदभगवत्पूज्यपादशिष्यस्य श्रीमच्छंकरभगवतः कृतौ श्री ललिता पंचरत्नम् | ॥ 3 ॥