Sri Gauri Saptashloki Stuti Lyrics: A Sacred Hymn to Goddess Gauri in Hindi

करोपांते कांते वितरणरवंते विदधतीं नवां वीणां शोणामभिरुचिभरेणांकवदनां | सदा वंदे मंदेतरमतिरहं देशिकवशा- त्कृपालंबामंबां कुसुमितकदंबांकणगृहाम् || १ || ॥ 1 ॥ शशिप्रख्यं मुख्यं कृतकमलसख्यं तव मुखं सुधावासं हासं स्मितरुचिभिरासन्न कुमुदं | कृपापात्रे नेत्रे दुरितकरितोत्रेच नमतां सदा लोके लोकेश्वरि विगतशोकेन मनसा || २ || ॥ 2 ॥ अपि व्याधा वाधावपि सति समाधाय हृदि ता मनौपम्यां रम्यां मुनिभिरवगम्यां तव कलां, निजामाद्यां विद्यां नियतमनवद्यां न कलये न मातंगीमंगीकृतसरससंगीतरसिकाम् || ३ || ॥ 3 ॥ स्फुरद्रूपानीपावनिरुहसमीपाश्रयपरा सुधाधाराधाराधररुचिरुदारा करुणया | स्तुति प्रीता गीतामुनिभिरुपनीता तव कला त्रयीसीमा सा मामवतु सुरसामाजिकमता || ४ || ॥ 4 ॥ तुलाकोटीकोटी किरणपरिपाटि दिनकरं नखच्छायामाया शशिनळिनदायादविभवं | पदं सेवे भावे तव विपदभावे विलसितं जगन्मातः प्रातः कमलमुखि नातः परतरम् || ५ || ॥ 5 ॥ कनत्फालां बालां लळितशुकलीलांबुजकरां लसद्धाराधारां कचविजितधाराधररुचिं | रमेंद्राणीवाणी लसदसितवेणीसुमपदां महत्सीमां श्यामामरुणगिरिवामां भज मते || ६ || ॥ 6 ॥ गजारण्ये पुण्ये श्रितजनशरण्ये भगवती जपावर्णापर्णां तरळतरकर्णांतनयना | अनाद्यंता शांताबुधजनसुसंतानलतिका जगन्माता पूता तुहिनगिरिजाता विजयते || ७ || ॥ 7 ॥ गौर्यास्सप्तस्तुतिं नित्यं प्रभाते नियतः पठेत् | तस्यसर्वाणि सिद्ध्यन्ति वांछितानि न संशयः || ८ || ॥ 8 ॥