Sri Ganapati Atharvashirsha Upanishat Lyrics in Bengali

ঋ॑তং ব॒চ্মি । স॑ত্যং ব॒চ্মি ॥ 2 ॥ অব॑ ত্বং॒ মাম্ । অব॑ ব॒ক্তারম্᳚ ।অব॑ শ্রো॒তারম্᳚ । অব॑ দা॒তারম্᳚ ।অব॑ ধা॒তারম্᳚ । অবানূচানম॑ব শি॒ষ্যম্ ।অব॑ প॒শ্চাত্তা᳚ৎ । অব॑ পু॒রস্তা᳚ৎ ।অবোত্ত॒রাত্তা᳚ৎ । অব॑ দক্ষি॒ণাত্তা᳚ৎ ।অব॑ চো॒র্ধ্বাত্তা᳚ৎ । অবাধ॒রাত্তা᳚ৎ ।সর্বতো মাং পাহি পাহি॑ সম॒ন্তাৎ ॥ 3 ॥ ত্বং বাঙ্ময়॑স্ত্বং চিন্ম॒য়ঃ ।ত্বমানন্দময়॑স্ত্বং ব্রহ্ম॒ময়ঃ ।ত্বং সচ্চিদানন্দাদ্বি॑তীয়ো॒ঽসি ।ত্বং প্র॒ত্যক্ষং॒ ব্রহ্মা॑সি ।ত্বং জ্ঞানময়ো বিজ্ঞান॑ময়ো॒ঽসি ॥ 4 ॥ সর্বং জগদিদং ত্ব॑ত্তো জা॒য়তে ।সর্বং জগদিদং ত্ব॑ত্তস্তি॒ষ্ঠতি ।সর্বং জগদিদং ত্বয়ি লয়॑মেষ্য॒তি ।সর্বং জগদিদং ত্বয়ি॑ প্রত্যে॒তি ।ত্বং ভূমিরাপোঽনলোঽনি॑লো ন॒ভঃ ।ত্বং চত্বারি বা᳚ক্পদা॒নি ॥ 5 ॥ ত্বং গু॒ণত্র॑য়াতী॒তঃ ।ত্বমবস্থাত্র॑য়াতী॒তঃ ।ত্বং দে॒হত্র॑য়াতী॒তঃ ।ত্বং কা॒লত্র॑য়াতী॒তঃ ।ত্বং মূলাধারস্থিতো॑ঽসি নি॒ত্যম্ ।ত্বং শক্তিত্র॑য়াত্ম॒কঃ ।ত্বাং যোগিনো ধ্যায়॑ন্তি নি॒ত্যম্ ।ত্বং ব্রহ্মা ত্বং বিষ্ণুস্ত্বং রুদ্রস্ত্বমিন্দ্রস্ত্বমগ্নিস্ত্বংবায়ুস্ত্বং সূর্যস্ত্বং চন্দ্রমাস্ত্বং ব্রহ্ম॒ ভূর্ভুব॒: স্ব॒রোম্ ॥ 6 ॥ গ॒ণাদিং᳚ পূর্ব॑মুচ্চা॒র্য॒ ব॒র্ণাদীং᳚স্তদন॒ন্ত॑রম্ ।অনুস্বারঃ প॑রত॒রঃ । অর্ধে᳚ন্দুল॒সিতম্ ।তারে॑ণ ঋ॒দ্ধম্ । এতত্তব মনু॑স্বরূ॒পম্ ।গকারঃ পূ᳚র্বরূ॒পম্ । অকারো মধ্য॑মরূ॒পম্ ।অনুস্বারশ্চা᳚ন্ত্যরূ॒পম্ । বিন্দুরুত্ত॑ররূ॒পম্ ।নাদ॑: সন্ধা॒নম্ । সগ্ংহি॑তা স॒ন্ধিঃ ।সৈষা গণে॑শবি॒দ্যা । গণ॑ক ঋ॒ষিঃ ।নিচৃদ্গায়॑ত্রীচ্ছ॒ন্দঃ ।গণপতি॑র্দেব॒তা । ওঁ গং গ॒ণপ॑তয়ে নমঃ ॥ 7 ॥ একদ॒ন্তায়॑ বি॒দ্মহে॑ বক্রতু॒ণ্ডায়॑ ধীমহি ।তন্নো॑ দন্তিঃ প্রচো॒দয়া᳚ৎ ॥ 8 ॥ একদ॒ন্তং চ॑তুর্হ॒স্তং॒ পা॒শম॑ঙ্কুশ॒ ধারি॑ণম্ ।রদং॑ চ॒ বর॑দং হ॒স্তৈ॒র্বি॒ভ্রাণং॑ মূষ॒কধ্ব॑জম্ ।রক্তং॑ লম্॒বোদ॑রং শূ॒র্প॒ক॒র্ণকং॑ রক্ত॒বাস॑সম্ ।রক্ত॑গ॒ন্ধানু॑লিপ্তা॒ঙ্গং॒ র॒ক্তপু॑ষ্পৈঃ সু॒পূজি॑তম্ ।ভক্তা॑নু॒কম্পি॑নং দে॒বং॒ জ॒গৎকা॑রণ॒মচ্যু॑তম্ ।আবি॑র্ভূ॒তং চ॑ সৃ॒ষ্ট্যা॒দৌ॒ প্র॒কৃতে᳚: পুরু॒ষাৎপ॑রম্ ।এবং॑ ধ্যা॒য়তি॑ যো নি॒ত্যং॒ স॒ যোগী॑ যোগি॒নাং ব॑রঃ ॥ 9 ॥ নমো ব্রাতপতয়ে । নমো গণপতয়ে । নমঃ প্রমথপতয়ে । নমস্তেঽস্তু লম্বোদরায়ৈকদন্তায় বিঘ্ননাশিনে শিবসুতায় বরদমূর্তয়ে॒ নম॑: ॥ 10 ॥ এতদথর্বশীর্ষং॑ যোঽধী॒তে ।স ব্রহ্মভূয়া॑য় ক॒ল্পতে ।স সর্ববিঘ্নৈ᳚র্ন বা॒ধ্যতে ।স সর্বত্র সুখ॑মেধ॒তে ।স পঞ্চমহাপাপা᳚ৎ প্রমু॒চ্যতে ।সা॒য়ম॑ধীয়া॒নো॒ দিবসকৃতং পাপং॑ নাশ॒য়তি ।প্রা॒তর॑ধীয়া॒নো॒ রাত্রিকৃতং পাপং॑ নাশ॒য়তি ।সায়ং প্রাতঃ প্র॑য়ুঞ্জা॒নো॒ পাপোঽপা॑পো ভ॒বতি ।সর্বত্রাধীয়ানোঽপবি॑ঘ্নো ভ॒বতি ।ধর্মার্থকামমোক্ষং॑ চ বি॒ন্দতি ।ইদমথর্বশীর্ষমশিষ্যায়॑ ন দে॒য়ম্ ।যো যদি মো॑হাদ্দা॒স্যতি । স পাপী॑য়ান্ ভ॒বতি ।সহস্রাবর্তনাদ্যং যং কাম॑মধী॒তে ।তং তমনে॑ন সা॒ধয়েৎ ॥ 11 ॥ অনেন গণপতিম॑ভিষি॒ঞ্চতি । স বা॑গ্মী ভ॒বতি ।চতুর্থ্যামন॑শ্নন্ জ॒পতি স বিদ্যা॑বান্ ভ॒বতি ।ইত্যথর্ব॑ণ বা॒ক্যম্ ।ব্রহ্মাদ্যা॒বর॑ণং বি॒দ্যান্ন বিভেতি কদা॑চনে॒তি ॥ 12 ॥ যো দূর্বাঙ্কু॑রৈর্য॒জতি স বৈশ্রবণোপ॑মো ভ॒বতি ।যো লা॑জৈর্য॒জতি স যশো॑বান্ ভ॒বতি । স মেধা॑বান্ ভ॒বতি ।যো মোদকসহস্রে॑ণ য॒জতি স বাঞ্ছিত ফলম॑বাপ্নো॒তি ।যঃ সাজ্য সমি॑দ্ভির্য॒জতি স সর্বং লভতে স স॑র্বং ল॒ভতে ॥ 13 ॥ অষ্টৌ ব্রাহ্মণান্ সম্যগ্ গ্রা॑হয়ি॒ত্বা সূর্যবর্চ॑স্বী ভ॒বতি ।সূর্যগ্রহে ম॑হান॒দ্যাং প্রতিমা সন্নিধৌ বা জ॒প্ত্বা সিদ্ধম॑ন্ত্রো ভ॒বতি ।মহাবিঘ্না᳚ৎ প্রমু॒চ্যতে । মহাদোষা᳚ৎ প্রমু॒চ্যতে ।মহাপ্রত্যবায়া᳚ৎ প্রমু॒চ্যতে ।স সর্ববিদ্ভবতি স সর্ব॑বিদ্ভ॒বতি ।য এ॑বং বে॒দ । ইত্যু॑প॒নিষ॑ৎ ॥ 14 ॥