0:00 / 3:42
Telugu recitation
స్కంద ఉవాచ ।
ఋణగ్రస్తనరాణాం తు ఋణముక్తిః కథం భవేత్ ।
బ్రహ్మోవాచ ।
వక్ష్యేఽహం సర్వలోకానాం హితార్థం హితకామదమ్ ॥
అస్య శ్రీ అంగారక స్తోత్ర మహామంత్రస్య గౌతమ ఋషిః, అనుష్టుప్ ఛందః, అంగారకో దేవతా మమ ఋణ విమోచనార్థే జపే వినియోగః ।
ధ్యానం –
ధరణీ గర్భ సంభూతం విద్యుత్కాంతి సమప్రభమ్ ।
కుమారం శక్తిహస్తం తం కుజం ప్రణమామ్యహమ్ ॥ 1 ॥
రక్తమాల్యాంబరధరః శూలశక్తిగదాధరః ।
చతుర్భుజో మేషగతో వరదశ్చ ధరాసుతః ॥ 2 ॥
అథ స్తోత్రం –
మంగళో భూమిపుత్రశ్చ ఋణహర్తా ధనప్రదః ।
స్థిరాసనో మహాకాయః సర్వకర్మావబోధకః ॥ 3 ॥
లోహితో లోహితాంగశ్చ సామగాయీ కృపాకరః ।
ధర్మరాజః కుజో భౌమో భూమిజో భూమినందనః ॥ 4 ॥
అంగారకో యమశ్చైవ సర్వరోగాపహారకః ।
సృష్టికర్తాఽపహర్తా చ సర్వకామఫలప్రదః ॥ 5 ॥
భూతిదో గ్రహపూజ్యశ్చ వక్త్రో రక్తవపుః ప్రభుః ।
ఏతాని కుజనామాని యో నిత్యం ప్రయతః పఠేత్ ।
ఋణం న జాయతే తస్య ధనం ప్రాప్నోత్యసంశయమ్ ॥ 6 ॥
రక్తపుష్పైశ్చ గంధైశ్చ దీపధూపాదిభిస్తథా ।
మంగళం పూజయిత్వా తు మంగళేఽహని సర్వదా ॥ 7 ॥
ఋణరేఖాః ప్రకర్తవ్యాః దగ్ధాంగారైస్తదగ్రతః ।
సప్తవింశతినామాని పఠిత్వా తు తదంతికే ॥ 8 ॥
తాశ్చ ప్రమార్జయేత్పశ్చాద్వామపాదేన సంస్పృశన్ ।
ఏవం కృత్వా న సందేహో ఋణహీనో ధనీ భవేత్ ॥ 9 ॥
భూమిజస్య ప్రసాదేన గ్రహపీడా వినశ్యతి ।
యేనార్జితా జగత్కీర్తిర్భూమిపుత్రేణ శాశ్వతీ ॥ 10 ॥
శత్రవశ్చ హతా యేన భౌమేన మహితాత్మనా ।
స ప్రీయతాం తు భౌమోఽద్య తుష్టో భూయాత్ సదా మమ ॥ 11 ॥
మూలమంత్రః –
అంగారక మహీపుత్ర భగవన్ భక్తవత్సల ।
నమోఽస్తు తే మమాశేష ఋణమాశు విమోచయ ॥ 12 ॥
అర్ఘ్యం –
భూమిపుత్ర మహాతేజః స్వేదోద్భవ పినాకినః ।
ఋణార్తస్త్వాం ప్రపన్నోఽస్మి గృహాణార్ఘ్యం నమోఽస్తు తే ॥ 13 ॥
ఇతి ఋణ విమోచన అంగారక స్తోత్రమ్ ॥ ॥ 14 ॥
Frequently asked questions
What is Runa Vimochana Angaraka Stotram in Telugu: Powerful Mangal Stotram for Debt Relief and Financial Freedom?
This is a sacred Hindu hymn dedicated to the deity. It is traditionally recited on Auspicious days for spiritual benefit.
How to book a pandit for Navagraha Puja?
You can book a verified pandit for Navagraha Puja on PujariBook. 35 pandits are available. Choose home visit or online puja.
