Rahu Ashtottara Sata Nama Stotram: Rahu Graha Remedies and 108 Names Stotram in Malayalam

രാഹു അഷ്ടോത്തര ശത നാമ സ്തോത്രം ശൃണു നാമാനി രാഹോശ്ച സൈംഹികേയോ വിധുന്തുദഃ . സുരശത്രുസ്തമശ്ചൈവ ഫണീ ഗാർഗ്യായണസ്തഥാ ॥ 1 ॥ സുരാഗുർനീലജീമൂതസങ്കാശശ്ച ചതുർഭുജഃ . ഖഡ്ഗഖേടകധാരീ ച വരദായകഹസ്തകഃ ॥ 2 ॥ ശൂലായുധോ മേഘവർണഃ കൃഷ്ണധ്വജപതാകവാൻ . ദക്ഷിണാശാമുഖരതഃ തീക്ഷ്ണദംഷ്ട്രധരായ ച ॥ 3 ॥ ശൂർപാകാരാസനസ്ഥശ്ച ഗോമേദാഭരണപ്രിയഃ . മാഷപ്രിയഃ കശ്യപർഷിനന്ദനോ ഭുജഗേശ്വരഃ ॥ 4 ॥ ഉൽകാപാതജനിഃ ശൂലീ നിധിപഃ കൃഷ്ണസർപരാട് . വിഷജ്വലാവൃതാസ്യോഽർധശരീരോ ജാദ്യസമ്പ്രദഃ ॥ 5 ॥ രവീന്ദുഭീകരശ്ഛായാസ്വരൂപീ കഠിനാംഗകഃ . ദ്വിഷച്ചക്രച്ഛേദകോഽഥ കരാളാസ്യോ ഭയങ്കരഃ ॥ 6 ॥ ക്രൂരകർമാ തമോരൂപഃ ശ്യാമാത്മാ നീലലോഹിതഃ . കിരീടീ നീലവസനഃ ശനിസാമന്തവർത്മഗഃ ॥ 7 ॥ ചാണ്ഡാലവർണോഽഥാശ്വ്യർക്ഷഭവോ മേഷഭവസ്തഥാ . ശനിവത്ഫലദഃ ശൂരോഽപസവ്യഗതിരേവ ച ॥ 8 ॥ ഉപരാഗകരഃ സൂര്യഹിമാംശുച്ഛവിഹാരകഃ . നീലപുഷ്പവിഹാരശ്ച ഗ്രഹശ്രേഷ്ഠോഽഷ്ടമഗ്രഹഃ ॥ 9 ॥ കബന്ധമാത്രദേഹശ്ച യാതുധാനകുലോദ്ഭവഃ . ഗോവിന്ദവരപാത്രം ച ദേവജാതിപ്രവിഷ്ടകഃ ॥ 10 ॥ ക്രൂരോ ഘോരഃ ശനേർമിത്രം ശുക്രമിത്രമഗോചരഃ . മാനേഗംഗാസ്നാനദാതാ സ്വഗൃഹേപ്രബലാഢ്യകഃ ॥ 11 ॥ സദ്ഗൃഹേഽന്യബലധൃച്ചതുർഥേ മാതൃനാശകഃ . ചന്ദ്രയുക്തേ തു ചണ്ഡാലജന്മസൂചക ഏവ തു ॥ 12 ॥ ജന്മസിംഹേ രാജ്യദാതാ മഹാകായസ്തഥൈവ ച . ജന്മകർതാ വിധുരിപു മത്തകോ ജ്ഞാനദശ്ച സഃ ॥ 13 ॥ ജന്മകന്യാരാജ്യദാതാ ജന്മഹാനിദ ഏവ ച . നവമേ പിതൃഹന്താ ച പഞ്ചമേ ശോകദായകഃ ॥ 14 ॥ ദ്യൂനേ കളത്രഹന്താ ച സപ്തമേ കലഹപ്രദഃ . ഷഷ്ഠേ തു വിത്തദാതാ ച ചതുർഥേ വൈരദായകഃ ॥ 15 ॥ നവമേ പാപദാതാ ച ദശമേ ശോകദായകഃ . ആദൗ യശഃ പ്രദാതാ ച അന്തേ വൈരപ്രദായകഃ ॥ 16 ॥ കാലാത്മാ ഗോചരാചാരോ ധനേ ചാസ്യ കകുത്പ്രദഃ . പഞ്ചമേ ധിഷണാശൃംഗദഃ സ്വർഭാനുർബലീ തഥാ ॥ 17 ॥ മഹാസൗഖ്യപ്രദായീ ച ചന്ദ്രവൈരീ ച ശാശ്വതഃ . സുരശത്രുഃ പാപഗ്രഹഃ ശാംഭവഃ പൂജ്യകസ്തഥാ ॥ 18 ॥ പാടീരപൂരണശ്ചാഥ പൈഠീനസകുലോദ്ഭവഃ . ദീർഘകൃഷ്ണോഽതനുർവിഷ്ണുനേത്രാരിർദേവദാനവൗ ॥ 19 ॥ ഭക്തരക്ഷോ രാഹുമൂർതിഃ സർവാഭീഷ്ടഫലപ്രദഃ . ഏതദ്രാഹുഗ്രഹസ്യോക്തം നാമ്നാമഷ്ടോത്തരം ശതം ॥ 20 ॥ ശ്രദ്ധയാ യോ ജപേന്നിത്യം മുച്യതേ സർവസങ്കടാത് . സർവസമ്പത്കരസ്തസ്യ രാഹുരിഷ്ടപ്രദായകഃ ॥ 21 ॥ ഇതി ശ്രീ രാഹു അഷ്ടോത്തരശതനാമ സ്തോത്രം . ॥ 22 ॥