Ketu Ashtottara Shatanama Stotram: 108 Sacred Names for Ketu Graha Remedies in Malayalam

കേതു അഷ്ടോത്തര ശത നാമ സ്തോത്രം ശൃണു നാമാനി ജപ്യാനി കേതോ രഥ മഹാമതേ . കേതുഃ സ്ഥൂലശിരാശ്ചൈവ ശിരോമാത്രോ ധ്വജാകൃതിഃ ॥ 1 ॥ നവഗ്രഹയുതഃ സിംഹികാസുരീഗർഭസംഭവഃ . മഹാഭീതികരശ്ചിത്രവർണോ വൈ പിംഗളാക്ഷകഃ ॥ 2 ॥ സ ഫലോധൂമ്രസങ്കാശഃ തീക്ഷ്ണദംഷ്ട്രോ മഹോരഗഃ . രക്തനേത്രശ്ചിത്രകാരീ തീവ്രകോപോ മഹാസുരഃ ॥ 3 ॥ ക്രൂരകണ്ഠഃ ക്രോധനിധിശ്ഛായാഗ്രഹവിശേഷകഃ . അന്ത്യഗ്രഹോ മഹാശീർഷോ സൂര്യാരിഃ പുഷ്പവദ്ഗ്രഹീ ॥ 4 ॥ വരഹസ്തോ ഗദാപാണിശ്ചിത്രവസ്ത്രധരസ്തഥാ . ചിത്രധ്വജപതാകശ്ച ഘോരശ്ചിത്രരഥഃ ശിഖീ ॥ 5 ॥ കുളുത്ഥഭക്ഷകശ്ചൈവ വൈഡൂര്യാഭരണസ്തഥാ . ഉത്പാതജനകഃ ശുക്രമിത്രം മന്ദസഖസ്തഥാ ॥ 6 ॥ ഗദാധരഃ നാകപതിഃ അന്തർവേദീശ്വരസ്തഥാ . ജൈമിനീഗോത്രജശ്ചിത്രഗുപ്താത്മാ ദക്ഷിണാമുഖഃ ॥ 7 ॥ മുകുന്ദവരപാത്രം ച മഹാസുരകുലോദ്ഭവഃ . ഘനവർണോ ലംബദേഹോ മൃത്യുപുത്രസ്തഥൈവ ച ॥ 8 ॥ ഉത്പാതരൂപധാരീ ചാഽദൃശ്യഃ കാലാഗ്നിസന്നിഭഃ . നൃപീഡോ ഗ്രഹകാരീ ച സർവോപദ്രവകാരകഃ ॥ 9 ॥ ചിത്രപ്രസൂതോ ഹ്യനലഃ സർവവ്യാധിവിനാശകഃ . അപസവ്യപ്രചാരീ ച നവമേ പാപദായകഃ ॥ 10 ॥ പഞ്ചമേ ശോകദശ്ചോപരാഗഖേചര ഏവ ച . അതിപുരുഷകർമാ ച തുരീയേ (തു) സുഖപ്രദഃ ॥ 11 ॥ തൃതീയേ വൈരദഃ പാപഗ്രഹശ്ച സ്ഫോടകാരകഃ . പ്രാണനാഥഃ പഞ്ചമേ തു ശ്രമകാരക ഏവ ച ॥ 12 ॥ ദ്വിതീയേഽസ്ഫുടവാഗ്ദാതാ വിഷാകുലിതവക്ത്രകഃ . കാമരൂപീ സിംഹദന്തഃ സത്യേപ്യനൃതവാനപി ॥ 13 ॥ ചതുർഥേ മാതൃനാശശ്ച നവമേ പിതൃനാശകഃ . അന്ത്യേ വൈരപ്രദശ്ചൈവ സുതാനന്ദനബന്ധകഃ ॥ 14 ॥ സർപാക്ഷിജാതോഽനംഗശ്ച കർമരാശ്യുദ്ഭവസ്തഥാ . ഉപാന്തേ കീർതിദശ്ചൈവ സപ്തമേ കലഹപ്രദഃ ॥ 15 ॥ അഷ്ടമേ വ്യാധികർതാ ച ധനേ ബഹുസുഖപ്രദഃ . ജനനേ രോഗദശ്ചോർധ്വമൂർധജോ ഗ്രഹനായകഃ ॥ 16 ॥ പാപദൃഷ്ടിഃ ഖേചരശ്ച ശാംഭവോഽശേഷപൂജിതഃ . ശാശ്വതശ്ച നടശ്ചൈവ ശുഭാഽശുഭഫലപ്രദഃ ॥ 17 ॥ ധൂമ്രശ്ചൈവ സുധാപായീ ഹ്യജിതോ ഭക്തവത്സലഃ . സിംഹാസനഃ കേതുമൂർതീ രവീന്ദുദ്യുതിനാശകഃ ॥ 18 ॥ അമരഃ പീഡകോഽമർത്യോ വിഷ്ണുദൃഷ്ടോഽസുരേശ്വരഃ . ഭക്തരക്ഷോഽഥ വൈചിത്ര്യകപടസ്യന്ദനസ്തഥാ ॥ 19 ॥ വിചിത്രഫലദായീ ച ഭക്താഭീഷ്ടഫലപ്രദഃ . ഏതത്കേതുഗ്രഹസ്യോക്തം നാമ്നാമഷ്ടോത്തരം ശതം ॥ 20 ॥ യോ ഭക്ത്യേദം ജപേത്കേതുർനാമ്നാമഷ്ടോത്തരം ശതം . സ തു കേതോഃ പ്രസാദേന സർവാഭീഷ്ടം സമാപ്നുയാത് ॥ 21 ॥ ഇതി ശ്രീ കേതു അഷ്ടോത്തരശതനാമ സ്തോത്രം . ॥ 22 ॥