Ketu Ashtottara Shatanama Stotram: 108 Sacred Names for Ketu Graha Remedies in Bengali

কেতু অষ্টোত্তর শত নাম স্তোত্রং শৃণু নামানি জপ্যানি কেতো রথ মহামতে । কেতুঃ স্থূলশিরাশ্চৈব শিরোমাত্রো ধ্বজাকৃতিঃ ॥ 1 ॥ নবগ্রহয়ুতঃ সিংহিকাসুরীগর্ভসম্ভবঃ । মহাভীতিকরশ্চিত্রবর্ণো বৈ পিঙ্গল়াক্ষকঃ ॥ 2 ॥ স ফলোধূম্রসঙ্কাশঃ তীক্ষ্ণদংষ্ট্রো মহোরগঃ । রক্তনেত্রশ্চিত্রকারী তীব্রকোপো মহাসুরঃ ॥ 3 ॥ ক্রূরকণ্ঠঃ ক্রোধনিধিশ্ছায়াগ্রহবিশেষকঃ । অন্ত্যগ্রহো মহাশীর্ষো সূর্যারিঃ পুষ্পবদ্গ্রহী ॥ 4 ॥ বরহস্তো গদাপাণিশ্চিত্রবস্ত্রধরস্তথা । চিত্রধ্বজপতাকশ্চ ঘোরশ্চিত্ররথঃ শিখী ॥ 5 ॥ কুল়ুত্থভক্ষকশ্চৈব বৈডূর্যাভরণস্তথা । উৎপাতজনকঃ শুক্রমিত্রং মন্দসখস্তথা ॥ 6 ॥ গদাধরঃ নাকপতিঃ অন্তর্বেদীশ্বরস্তথা । জৈমিনীগোত্রজশ্চিত্রগুপ্তাত্মা দক্ষিণামুখঃ ॥ 7 ॥ মুকুন্দবরপাত্রং চ মহাসুরকুলোদ্ভবঃ । ঘনবর্ণো লম্বদেহো মৃত্যুপুত্রস্তথৈব চ ॥ 8 ॥ উৎপাতরূপধারী চাঽদৃশ্যঃ কালাগ্নিসন্নিভঃ । নৃপীডো গ্রহকারী চ সর্বোপদ্রবকারকঃ ॥ 9 ॥ চিত্রপ্রসূতো হ্যনলঃ সর্বব্যাধিবিনাশকঃ । অপসব্যপ্রচারী চ নবমে পাপদায়কঃ ॥ 10 ॥ পঞ্চমে শোকদশ্চোপরাগখেচর এব চ । অতিপুরুষকর্মা চ তুরীয়ে (তু) সুখপ্রদঃ ॥ 11 ॥ তৃতীয়ে বৈরদঃ পাপগ্রহশ্চ স্ফোটকারকঃ । প্রাণনাথঃ পঞ্চমে তু শ্রমকারক এব চ ॥ 12 ॥ দ্বিতীয়েঽস্ফুটবাগ্দাতা বিষাকুলিতবক্ত্রকঃ । কামরূপী সিংহদন্তঃ সত্যেপ্যনৃতবানপি ॥ 13 ॥ চতুর্থে মাতৃনাশশ্চ নবমে পিতৃনাশকঃ । অন্ত্যে বৈরপ্রদশ্চৈব সুতানন্দনবন্ধকঃ ॥ 14 ॥ সর্পাক্ষিজাতোঽনঙ্গশ্চ কর্মরাশ্যুদ্ভবস্তথা । উপান্তে কীর্তিদশ্চৈব সপ্তমে কলহপ্রদঃ ॥ 15 ॥ অষ্টমে ব্যাধিকর্তা চ ধনে বহুসুখপ্রদঃ । জননে রোগদশ্চোর্ধ্বমূর্ধজো গ্রহনায়কঃ ॥ 16 ॥ পাপদৃষ্টিঃ খেচরশ্চ শাম্ভবোঽশেষপূজিতঃ । শাশ্বতশ্চ নটশ্চৈব শুভাঽশুভফলপ্রদঃ ॥ 17 ॥ ধূম্রশ্চৈব সুধাপায়ী হ্যজিতো ভক্তবৎসলঃ । সিংহাসনঃ কেতুমূর্তী রবীন্দুদ্যুতিনাশকঃ ॥ 18 ॥ অমরঃ পীডকোঽমর্ত্যো বিষ্ণুদৃষ্টোঽসুরেশ্বরঃ । ভক্তরক্ষোঽথ বৈচিত্র্যকপটস্যন্দনস্তথা ॥ 19 ॥ বিচিত্রফলদায়ী চ ভক্তাভীষ্টফলপ্রদঃ । এতৎকেতুগ্রহস্যোক্তং নাম্নামষ্টোত্তরং শতম্ ॥ 20 ॥ যো ভক্ত্যেদং জপেৎকেতুর্নাম্নামষ্টোত্তরং শতম্ । স তু কেতোঃ প্রসাদেন সর্বাভীষ্টং সমাপ্নুয়াৎ ॥ 21 ॥ ইতি শ্রী কেতু অষ্টোত্তরশতনাম স্তোত্রম্ । ॥ 22 ॥