మంగళము గోవిందునకు జయ మంగళము గరుడ ధ్వజునకు
మంగళము జయ మంగళము ధర్మ స్వరూపునకు | జయ జయ మంగళము ||

ఆదికిను ఆద్యైన దేవునకచ్యుతునకంభోజ నాభున-
కాదికూర్మంబైన జగదాధార ముర్తికిని
వేద రక్షకునకును సంతత వేదమార్గ విహారునకు బలి-
భేదినికి సామాదిగాన ప్రియ విహారునకు || జయ జయ మంగళము ||

హరికి పరమేశ్వరునకు శ్రీధరునకు కాలాంతకునకును
పరమ పురుషోత్తమునకు బహుబంధ దూరునకును
సురముని స్తోత్రునకు దేవాసురగణ శ్రేష్టునకు కరుణా
కరుణకును కాత్యాయినీ నుత కలిత నామునకు || జయ జయ మంగళము ||

పంకజాసన వరదునకు భవ పంక విచ్ఛేదునకు భవునకు
శంకరునకవ్యక్తునకు నాశ్చర్యరూపునకు
వేంకటాచల వల్లభునకును విశ్వముర్తికి నీశ్వరునకును
పంకజా కుచకుంభ కుంకుమపంక లోలునకు || జయ జయ మంగళము ||