namastasmai gaṇēśāya sarvavighnavināśinē |
kāryārambhēṣu sarvēṣu pūjitō yaḥ surairapi || 1 ||

pārvatyuvāca |
bhagavan dēvadēvēśa lōkānugrahakārakaḥ |
idānīṁ śrōtr̥micchāmi kavacaṁ yatprakāśitam || 2 ||

ēkākṣarasya mantrasya tvayā prītēna cētasā |
vadaitadvidhivaddēva yadi tē vallabhāsmyaham || 3 ||

īśvara uvāca |
śr̥ṇu dēvi pravakṣyāmi nākhyēyamapi tē dhruvam |
ēkākṣarasya mantrasya kavacaṁ sarvakāmadam || 4 ||

yasya smaraṇamātrēṇa na vighnāḥ prabhavanti hi |
trikālamēkakālaṁ vā yē paṭhanti sadā narāḥ || 5 ||

tēṣāṁ kvāpi bhayaṁ nāsti saṅgrāmē saṅkaṭē girau |
bhūtavētālarakṣōbhirgrahaiścāpi na bādhyatē || 6 ||

idaṁ kavacamajñātvā yō japēdgaṇanāyakam |
na ca siddhimāpnōti mūḍhō varṣaśatairapi || 7 ||

aghōrō mē yathā mantrō mantrāṇāmuttamōttamaḥ |
tathēdaṁ kavacaṁ dēvi durlabhaṁ bhuvi mānavaiḥ || 8 ||

gōpanīyaṁ prayatnēna nājyēyaṁ yasya kasyacit |
tava prītyā mahēśāni kavacaṁ kathyatē:’dbhutam || 9 ||

ēkākṣarasya mantrasya gaṇakaścarṣirīritaḥ |
triṣṭup chandastu vighnēśō dēvatā parikīrtitā || 10 ||

gaṁ bījaṁ śaktirōṅkāraḥ sarvakāmārthasiddhayē |
sarvavighnavināśāya viniyōgastu kīrtitaḥ || 11 ||

dhyānam |
raktāmbhōjasvarūpaṁ lasadaruṇasarōjādhirūḍhaṁ trinētraṁ
pāśaṁ caivāṅkuśaṁ vā varadamabhayadaṁ bāhubhirdhārayantam |
śaktyā yuktaṁ gajāsyaṁ pr̥thutarajaṭharaṁ nāgayajñōpavītaṁ
dēvaṁ candrārdhacūḍaṁ sakalabhayaharaṁ vighnarājaṁ namāmi || 12 ||

kavacam |
gaṇēśō mē śiraḥ pātu phālaṁ pātu gajānanaḥ |
nētrē gaṇapatiḥ pātu gajakarṇaḥ śrutī mama || 13 ||

kapōlau gaṇanāthastu ghrāṇaṁ gandharvapūjitaḥ |
mukhaṁ mē sumukhaḥ pātu cibukaṁ girijāsutaḥ || 14 ||

jihvāṁ pātu gaṇakrīḍō dantān rakṣatu durmukhaḥ |
vācaṁ vināyakaḥ pātu kaṇṭhaṁ pātu madōtkaṭaḥ || 15 ||

skandhau pātu gajaskandhō bāhū mē vighnanāśanaḥ |
hastau rakṣatu hērambō vakṣaḥ pātu mahābalaḥ || 16 ||

hr̥dayaṁ mē gaṇapatirudaraṁ mē mahōdaraḥ |
nābhiṁ gambhīrahr̥dayō pr̥ṣṭhaṁ pātu surapriyaḥ || 17 ||

kaṭiṁ mē vikaṭaḥ pātu guhyaṁ mē guhapūjitaḥ |
ūru mē pātu kaumāraṁ jānunī ca gaṇādhipaḥ || 18 ||

jaṅghē jayapradaḥ pātu gulphau mē dhūrjaṭipriyaḥ |
caraṇau durjayaḥ pātursāṅgaṁ gaṇanāyakaḥ || 19 ||

āmōdō mē:’grataḥ pātu pramōdaḥ pātu pr̥ṣṭhataḥ |
dakṣiṇē pātu siddhīśō vāmē vidyādharārcitaḥ || 20 ||

prācyāṁ rakṣatu māṁ nityaṁ cintāmaṇivināyakaḥ |
āgnēyyāṁ vakratuṇḍō mē dakṣiṇasyāmumāsutaḥ || 21 ||

nairr̥tyāṁ sarvavighnēśō pātu nityaṁ gaṇēśvaraḥ |
pratīcyāṁ siddhidaḥ pātu vāyavyāṁ gajakarṇakaḥ || 22 ||

kaubēryāṁ sarvasiddhīśō īśānyāmīśanandanaḥ |
ūrdhvaṁ vināyakaḥ pātu adhō mūṣakavāhanaḥ || 23 ||

divā gōkṣīradhavalaḥ pātu nityaṁ gajānanaḥ |
rātrau pātu gaṇakrīḍō sandhyayō suravanditaḥ || 24 ||

pāśāṅkuśābhayakaraḥ sarvataḥ pātu māṁ sadā |
grahabhūtapiśācēbhyō pātu nityaṁ gaṇēśvaraḥ || 25 ||

sattvaṁ rajastamō vācaṁ buddhiṁ jñānaṁ smr̥tiṁ dayām |
dharmaṁ caturvidhaṁ lakṣmīṁ lajjāṁ kīrtiṁ kulaṁ vapuḥ || 26 ||

dhanadhānyagr̥hāndārān putrānpautrān sakhīṁstathā |
ēkadantō:’vatu śrīmān sarvataḥ śaṅkarātmajaḥ || 27 ||

siddhidaṁ kīrtidaṁ dēvi prapaṭhēnniyataḥ śuciḥ |
ēkakālaṁ dvikālaṁ vā trikālaṁ vāpi bhaktitaḥ || 28 ||

na tasya durlabhaṁ kiñcit triṣu lōkēṣu vidyatē |
sarvapāpavinirmuktō jāyatē bhuvi mānavaḥ || 29 ||

yaṁ yaṁ kāmayatē martyaḥ sudurlabhamanōratham |
taṁ taṁ prāpnōti sakalaṁ ṣaṇmāsānnātra saṁśayaḥ || 30 ||

mōhanastambhanākarṣamāraṇōccāṭanaṁ vaśam |
smaraṇādēva jāyantē nātra kāryā vicāraṇā || 31 ||

sarvavighnaharēddēvīṁ grahapīḍānivāraṇam |
sarvaśatrukṣayakaraṁ sarvāpattinivāraṇam || 32 ||

dhr̥tvēdaṁ kavacaṁ dēvi yō japēnmantramuttamam |
na vācyatē sa vighnaughaiḥ kadācidapi kutracit || 33 ||

bhūrjē likhitvā vidhivaddhārayēdyō naraḥ śuciḥ |
ēkabāhō śiraḥ kaṇṭhē pūjayitvā gaṇādhipam || 34 ||

ēkākṣarasya mantrasya kavacaṁ dēvi durlabham |
yō dhārayēnmahēśāni na vighnairabhibhūyatē || 35 ||

gaṇēśahr̥dayaṁ nāma kavacaṁ sarvasiddhidam |
paṭhēdvā pāṭhayēdvāpi tasya siddhiḥ karē sthitā || 36 ||

na prakāśyaṁ mahēśāni kavacaṁ yatra kutracit |
dātavyaṁ bhaktiyuktāya gurudēvaparāya ca || 37 ||

iti śrīrudrayāmalē pārvatīparamēśvara saṁvādē ēkākṣaragaṇapatikavacaṁ sampūrṇam |


Searching for a Hindu Priest, Pujari, or Pandit for Your Puja?

Book Hindu Priest, Pujari, or Pandit for your Puja Online or At Home Across the USA & India | Visit www.pujaribooking.net for Instant Booking

Ekakshara Ganapati Kavacham benefits, How to chant Ekakshara Ganapati Kavacham, Ekakshara Ganapati Kavacham lyrics with meaning, Ekakshara Ganapati Kavacham mp3 download, Ekakshara Ganapati Kavacham significance, Best time to recite Ekakshara Ganapati Kavacham, Ekakshara Ganapati Kavacham for business success, Ekakshara Ganapati Kavacham history origin, Ekakshara Ganapati Kavacham meditation technique, Ekakshara Ganapati Kavacham pronunciation guide, Ekakshara Ganapati Kavacham spiritual effects, Ekakshara Ganapati Kavacham daily practice tips, Ekakshara Ganapati Kavacham for removing obstacles, Ekakshara Ganapati Kavacham mantra repetitions, Ekakshara Ganapati Kavacham energy activation, Ekakshara Ganapati Kavacham Telugu script, Ekakshara Ganapati Kavacham protection properties, Ekakshara Ganapati Kavacham yoga connection, Ekakshara Ganapati Kavacham worship rituals, Ekakshara Ganapati Kavacham mindfulness practice, Ekakshara Ganapati Kavacham scientific analysis, Ekakshara Ganapati Kavacham festival celebrations, Ekakshara Ganapati Kavacham symbolism explained, Ekakshara Ganapati Kavacham astrology influence, Ekakshara Ganapati Kavacham modern interpretations, Ekakshara Ganapati Kavacham family harmony, Ekakshara Ganapati Kavacham scholarly research, Ekakshara Ganapati Kavacham temple locations, Ekakshara Ganapati Kavacham prosperity rituals, Ekakshara Ganapati Kavacham community gatherings