ದೇವರ್ಷಯ ಊಚುಃ |
ವಿದೇಹರೂಪಂ ಭವಬಂಧಹಾರಂ
ಸದಾ ಸ್ವನಿಷ್ಠಂ ಸ್ವಸುಖಪ್ರದಂ ತಮ್ |
ಅಮೇಯಸಾಂಖ್ಯೇನ ಚ ಲಭ್ಯಮೀಶಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧ ||

ಮುನೀಂದ್ರವಂದ್ಯಂ ವಿಧಿಬೋಧಹೀನಂ
ಸುಬುದ್ಧಿದಂ ಬುದ್ಧಿಧರಂ ಪ್ರಶಾಂತಮ್ |
ವಿಕಾಲಹೀನಂ ಸಕಲಾಂತಗಂ ವೈ
ಗಜಾನನಂ ಭಕ್ತಿಯುತಾ ಭಜಾಮಃ || ೨ ||

ಅಮೇಯರೂಪಂ ಹೃದಿ ಸಂಸ್ಥಿತಂ ತಂ
ಬ್ರಹ್ಮಾಹಮೇಕಂ ಭ್ರಮನಾಶಕಾರಮ್ |
ಅನಾದಿಮಧ್ಯಾಂತಮಪಾರರೂಪಂ
ಗಜಾನನಂ ಭಕ್ತಿಯುತಾ ಭಜಾಮಃ || ೩ ||

ಜಗತ್ಪ್ರಮಾಣಂ ಜಗದೀಶಮೇವ-
-ಮಗಮ್ಯಮಾದ್ಯಂ ಜಗದಾದಿಹೀನಮ್ |
ಅನಾತ್ಮನಾಂ ಮೋಹಪ್ರದಂ ಪುರಾಣಂ
ಗಜಾನನಂ ಭಕ್ತಿಯುತಾ ಭಜಾಮಃ || ೪ ||

ನ ಭೂರ್ನ ರೂಪಂ ನ ಜಲಂ ಪ್ರಕಾಶಂ
ನ ತೇಜಸಿಸ್ಥಂ ನ ಸಮೀರಣಸ್ಥಮ್ |
ನ ಖೇ ಗತಂ ಪಂಚವಿಭೂತಿಹೀನಂ
ಗಜಾನನಂ ಭಕ್ತಿಯುತಾ ಭಜಾಮಃ || ೫ ||

ನ ವಿಶ್ವಗಂ ತೈಜಸಗಂ ನ ಪ್ರಾಜ್ಞಂ
ಸಮಷ್ಟಿವ್ಯಷ್ಟಿಸ್ಥಮನಂತಗಂ ನ |
ಗುಣೈರ್ವಿಹೀನಂ ಪರಮಾರ್ಥಭೂತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೬ ||

ಗುಣೇಶಗಂ ನೈವ ಚ ಬಿಂದುಸಂಸ್ಥಂ
ನ ದೇಹಿನಂ ಬೋಧಮಯಂ ನ ಢುಂಢಿಮ್ |
ಸಂಯೋಗಹೀನಾಃ ಪ್ರವದಂತಿ ತತ್ಸ್ಥಂ
ಗಜಾನನಂ ಭಕ್ತಿಯುತಾ ಭಜಾಮಃ || ೭ ||

ಅನಾಗತಂ ನೈವ ಗತಂ ಗಣೇಶಂ
ಕಥಂ ತದಾಕಾರಮಯಂ ವದಾಮಃ |
ತಥಾಪಿ ಸರ್ವಂ ಪ್ರಭುದೇಹಸಂಸ್ಥಂ
ಗಜಾನನಂ ಭಕ್ತಿಯುತಾ ಭಜಾಮಃ || ೮ ||

ಯದಿ ತ್ವಯಾ ನಾಥ ಕೃತಂ ನ ಕಿಂಚಿ-
-ತ್ತದಾ ಕಥಂ ಸರ್ವಮಿದಂ ವಿಭಾತಿ |
ಅತೋ ಮಹಾತ್ಮಾನಮಚಿಂತ್ಯಮೇವ
ಗಜಾನನಂ ಭಕ್ತಿಯುತಾ ಭಜಾಮಃ || ೯ ||

ಸುಸಿದ್ಧಿದಂ ಭಕ್ತಜನಸ್ಯ ದೇವಂ
ಸ ಕಾಮಿಕಾನಾಮಿಹ ಸೌಖ್ಯದಂ ತಮ್ |
ಅಕಾಮಿಕಾನಾಂ ಭವಬಂಧಹಾರಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೦ ||

ಸುರೇಂದ್ರಸೇವ್ಯಂ ಹ್ಯಸುರೈಃ ಸುಸೇವ್ಯಂ
ಸಮಾನಭಾವೇನ ವಿರಾಜಯಂತಮ್ |
ಅನಂತವಾಹಂ ಮುಷಕಧ್ವಜಂ ತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೧ ||

ಸದಾ ಸುಖಾನಂದಮಯೇ ಜಲೇ ಚ
ಸಮುದ್ರಜೇ ಚೇಕ್ಷುರಸೇ ನಿವಾಸಮ್ |
ದ್ವಂದ್ವಸ್ಯ ಪಾನೇನ ಚ ನಾಶರೂಪೇ
ಗಜಾನನಂ ಭಕ್ತಿಯುತಾ ಭಜಾಮಃ || ೧೨ ||

ಚತುಃಪದಾರ್ಥಾ ವಿವಿಧಪ್ರಕಾಶಾ-
-ಸ್ತ ಏವ ಹಸ್ತಾಃ ಸ ಚತುರ್ಭುಜಂ ತಮ್ |
ಅನಾಥನಾಥಂ ಚ ಮಹೋದರಂ ವೈ
ಗಜಾನನಂ ಭಕ್ತಿಯುತಾ ಭಜಾಮಃ || ೧೩ ||

ಮಹಾಖುಮಾರೂಢಮಕಾಲಕಾಲಂ
ವಿದೇಹಯೋಗೇನ ಚ ಲಭ್ಯಮಾನಮ್ |
ಅಮಾಯಿನಂ ಮಾಯಿಕಮೋಹದಂ ತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೪ ||

ರವಿಸ್ವರೂಪಂ ರವಿಭಾಸಹೀನಂ
ಹರಿಸ್ವರೂಪಂ ಹರಿಬೋಧಹೀನಮ್ |
ಶಿವಸ್ವರೂಪಂ ಶಿವಭಾಸನಾಶಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೫ ||

ಮಹೇಶ್ವರೀಸ್ಥಂ ಚ ಸುಶಕ್ತಿಹೀನಂ
ಪ್ರಭುಂ ಪರೇಶಂ ಪರವಂದ್ಯಮೇವಮ್ |
ಅಚಾಲಕಂ ಚಾಲಕಬೀಜಭೂತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೬ ||

ಶಿವಾದಿದೇವೈಶ್ಚ ಖಗೈಃ ಸುವಂದ್ಯಂ
ನರೈರ್ಲತಾವೃಕ್ಷಪಶುಪ್ರಭೂಭಿಃ |
ಚರಾಚರೈರ್ಲೋಕವಿಹೀನಮೇವಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೭ ||

ಮನೋವಚೋಹೀನತಯಾ ಸುಸಂಸ್ಥಂ
ನಿವೃತ್ತಿಮಾತ್ರಂ ಹ್ಯಜಮವ್ಯಯಂ ತಮ್ |
ತಥಾಪಿ ದೇವಂ ಪುರ ಆಸ್ಥಿತಂ ತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೮ ||

ವಯಂ ಸುಧನ್ಯಾ ಗಣಪಸ್ತವೇನ
ತಥೈವ ನತ್ಯಾರ್ಚನತಸ್ತವೈವ |
ಗಣೇಶರೂಪಾಶ್ಚ ಕೃತಾಸ್ತ್ವಯಾ ತಂ
ಗಜಾನನಂ ಭಕ್ತಿಯುತಾ ಭಜಾಮಃ || ೧೯ ||

ಗಜಾಖ್ಯಬೀಜಂ ಪ್ರವದಂತಿ ವೇದಾ-
-ಸ್ತದೇವ ಚಿಹ್ನೇನ ಚ ಯೋಗಿನಸ್ತ್ವಾಮ್ |
ಗಚ್ಛಂತಿ ತೇನೈವ ಗಜಾನನಸ್ತ್ವಂ
ಗಜಾನನಂ ಭಕ್ತಿಯುತಾ ಭಜಾಮಃ || ೨೦ ||

ಪುರಾಣವೇದಾಃ ಶಿವವಿಷ್ಣುಕಾದ್ಯಾ-
-ಽಮರಾಃ ಶುಕಾದ್ಯಾ ಗಣಪಸ್ತವೇ ವೈ |
ವಿಕುಂಠಿತಾಃ ಕಿಂ ಚ ವಯಂ ಸ್ತವಾಮ
ಗಜಾನನಂ ಭಕ್ತಿಯುತಾ ಭಜಾಮಃ || ೨೧ ||

ಮುದ್ಗಲ ಉವಾಚ |
ಏವಂ ಸ್ತುತ್ವಾ ಗಣೇಶಾನಂ ನೇಮುಃ ಸರ್ವೇ ಪುನಃ ಪುನಃ |
ತಾನುತ್ಥಾಪ್ಯ ವಚೋ ರಮ್ಯಂ ಗಜಾನನ ಉವಾಚ ಹ || ೨೨ ||

ಗಜಾನನ ಉವಾಚ |
ವರಂ ಬ್ರೂತ ಮಹಾಭಾಗಾ ದೇವಾಃ ಸರ್ಷಿಗಣಾಃ ಪರಮ್ |
ಸ್ತೋತ್ರೇಣ ಪ್ರೀತಿಸಂಯುಕ್ತಃ ಪರಂ ದಾಸ್ಯಾಮಿ ವಾಂಛಿತಮ್ || ೨೩ ||

ಗಜಾನನವಚಃ ಶ್ರುತ್ವಾ ಹರ್ಷಯುಕ್ತಾಃ ಸುರರ್ಷಯಃ |
ಜಗುಸ್ತಂ ಭಕ್ತಿಭಾವೇನ ಸಾಶ್ರುನೇತ್ರಾಃ ಪ್ರಜಾಪತೇ || ೨೪ ||

ದೇವರ್ಷಯ ಊಚುಃ |
ಗಜಾನನ ಯದಿ ಸ್ವಾಮಿನ್ ಪ್ರಸನ್ನೋ ವರದೋಽಸಿ ಭೋಃ |
ತದಾ ಭಕ್ತಿಂ ದೃಢಾಂ ದೇಹಿ ಲೋಭಹೀನಾಂ ತ್ವದೀಯಕಾಮ್ || ೨೫ ||

ಲೋಭಾಸುರಸ್ಯ ದೇವೇಶ ಕೃತಾ ಶಾಂತಿಃ ಸುಖಪ್ರದಾ |
ತದಾ ಜಗದಿದಂ ಸರ್ವಂ ವರಯುಕ್ತಂ ಕೃತಂ ತ್ವಯಾ || ೨೬ ||

ಅಧುನಾ ದೇವದೇವೇಶ ಕರ್ಮಯುಕ್ತಾ ದ್ವಿಜಾದಯಃ |
ಭವಿಷ್ಯಂತಿ ಧರಾಯಾಂ ವೈ ವಯಂ ಸ್ವಸ್ಥಾನಗಾಸ್ತಥಾ || ೨೭ ||

ಸ್ವಸ್ವಧರ್ಮರತಾಃ ಸರ್ವೇ ಗಜಾನನ ಕೃತಾಸ್ತ್ವಯಾ |
ಅತಃಪರಂ ವರಂ ಯಾಚಾಮಹೇ ಢುಂಢೇ ಕಮಪ್ಯಹೋ || ೨೮ ||

ಯದಾ ತೇ ಸ್ಮರಣಂ ನಾಥ ಕರಿಷ್ಯಾಮೋ ವಯಂ ಪ್ರಭೋ |
ತದಾ ಸಂಕಟಹೀನಾನ್ ವೈ ಕುರು ತ್ವಂ ನೋ ಗಜಾನನ || ೨೯ ||

ಏವಮುಕ್ತ್ವಾ ಪ್ರಣೇಮುಸ್ತಂ ಗಜಾನನಮನಾಮಯಮ್ |
ಸ ತಾನುವಾಚ ಪ್ರೀತಾತ್ಮಾ ಭಕ್ತ್ಯಧೀನಸ್ವಭಾವತಃ || ೩೦ ||

ಗಜಾನನ ಉವಾಚ |
ಯದ್ಯಚ್ಚ ಪ್ರಾರ್ಥಿತಂ ದೇವಾ ಮುನಯಃ ಸರ್ವಮಂಜಸಾ |
ಭವಿಷ್ಯತಿ ನ ಸಂದೇಹೋ ಮತ್ಸ್ಮೃತ್ಯಾ ಸರ್ವದಾ ಹಿ ವಃ || ೩೧ ||

ಭವತ್ಕೃತಮದೀಯಂ ವೈ ಸ್ತೋತ್ರಂ ಸರ್ವತ್ರ ಸಿದ್ಧಿದಮ್ |
ಭವಿಷ್ಯತಿ ವಿಶೇಷೇಣ ಮಮ ಭಕ್ತಿಪ್ರದಾಯಕಮ್ || ೩೨ ||

ಪುತ್ರಪೌತ್ರಪ್ರದಂ ಪೂರ್ಣಂ ಧನಧಾನ್ಯವಿವರ್ಧನಮ್ |
ಸರ್ವಸಂಪತ್ಕರಂ ದೇವಾಃ ಪಠನಾಚ್ಛ್ರವಣಾನ್ನೃಣಾಮ್ || ೩೩ ||

ಮಾರಣೋಚ್ಚಾಟನಾದೀನಿ ನಶ್ಯಂತಿ ಸ್ತೋತ್ರಪಾಠತಃ |
ಪರಕೃತ್ಯಂ ಚ ವಿಪ್ರೇಂದ್ರಾ ಅಶುಭಂ ನೈವ ಬಾಧತೇ || ೩೪ ||

ಸಂಗ್ರಾಮೇ ಜಯದಂ ಚೈವ ಯಾತ್ರಾಕಾಲೇ ಫಲಪ್ರದಮ್ |
ಶತ್ರೂಚ್ಚಾಟನಕಾದ್ಯೇಷು ಪ್ರಶಸ್ತಂ ತದ್ಭವಿಷ್ಯತಿ || ೩೫ ||

ಕಾರಾಗೃಹಗತಸ್ಯೈವ ಬಂಧನಾಶಕರಂ ಭವೇತ್ |
ಅಸಾಧ್ಯಂ ಸಾಧಯೇತ್ ಸರ್ವಮನೇನೈವ ಸುರರ್ಷಯಃ || ೩೬ ||

ಏಕವಿಂಶತಿವಾರಂ ಚೈಕವಿಂಶತಿ ದಿನಾವಧಿಮ್ |
ಪ್ರಯೋಗಂ ಯಃ ಕರೋತ್ಯೇವ ಸ ಭವೇತ್ ಸರ್ವಸಿದ್ಧಿಭಾಕ್ || ೩೭ ||

ಧರ್ಮಾರ್ಥಕಾಮಮೋಕ್ಷಾಣಾಂ ಬ್ರಹ್ಮಭೂತಸ್ಯ ದಾಯಕಮ್ |
ಭವಿಷ್ಯತಿ ನ ಸಂದೇಹಃ ಸ್ತೋತ್ರಂ ಮದ್ಭಕ್ತಿವರ್ಧನಮ್ |
ಏವಮುಕ್ತ್ವಾ ಗಣಾಧೀಶಸ್ತತ್ರೈವಾಂತರಧೀಯತ || ೩೮ ||

ಇತಿ ಶ್ರೀಮನ್ಮುದ್ಗಲಪುರಾಣೇ ಗಜಾನನಚರಿತೇ ತ್ರಿಚತ್ವಾರಿಂಶೋಽಧ್ಯಾಯೇ ದೇವಮುನಿಕೃತ ಗಜಾನನಸ್ತೋತ್ರಂ ಸಂಪೂರ್ಣಮ್ |


Searching for a Hindu Priest, Pujari, or Pandit for Your Puja?

Book Hindu Priest, Pujari, or Pandit for your Puja Online or At Home Across the USA & India | Visit www.pujaribooking.net for Instant Booking

Devarshi Kruta Gajanana Stotram Telugu PDF download in Kannada, Meaning of Devarshi Kruta Gajanana Stotram in English in Kannada, How to chant Devarshi Kruta Gajanana Stotram correctly in Kannada, Benefits of reciting Devarshi Kruta Gajanana Stotram daily in Kannada, History behind Devarshi Kruta Gajanana Stotram composition in Kannada, Devarshi Kruta Gajanana Stotram audio mp3 free in Kannada, Significance of Devarshi Kruta Gajanana Stotram in Hinduism in Kannada, Devarshi Kruta Gajanana Stotram lyrics with pronunciation guide in Kannada, Best time to recite Devarshi Kruta Gajanana Stotram in Kannada, Devarshi Kruta Gajanana Stotram full text in Sanskrit in Kannada, Difference between Devarshi Kruta and other Gajanana Stotrams in Kannada, Devarshi Kruta Gajanana Stotram YouTube video with subtitles in Kannada, Spiritual significance of each verse in Devarshi Kruta Gajanana Stotram in Kannada, How to incorporate Devarshi Kruta Gajanana Stotram in daily puja in Kannada, Famous singers rendition of Devarshi Kruta Gajanana Stotram in Kannada, Devarshi Kruta Gajanana Stotram for beginners simplified explanation in Kannada, Scientific benefits of chanting Devarshi Kruta Gajanana Stotram in Kannada, Devarshi Kruta Gajanana Stotram printable wall poster in Kannada, How long does it take to memorize Devarshi Kruta Gajanana Stotram in Kannada, Devarshi Kruta Gajanana Stotram mobile app for daily reminders in Kannada, Comparison of different translations of Devarshi Kruta Gajanana Stotram in Kannada, Devarshi Kruta Gajanana Stotram recitation contest near me in Kannada, Celebrity experiences with Devarshi Kruta Gajanana Stotram in Kannada, Devarshi Kruta Gajanana Stotram calligraphy art prints in Kannada, How Devarshi Kruta Gajanana Stotram differs from other Ganesha mantras in Kannada, Devarshi Kruta Gajanana Stotram group chanting sessions online in Kannada, Impact of Devarshi Kruta Gajanana Stotram on mental health in Kannada, Devarshi Kruta Gajanana Stotram illustrated children's book in Kannada, Expert commentary on Devarshi Kruta Gajanana Stotram symbolism in Kannada, Devarshi Kruta Gajanana Stotram musical notation for instruments in Kannada